Aldaǵy aptalarda Air Astana qaıtadan Iran arqyly usha bastaıdy

<p>ALMATY. KAZINFORM - Air Astana tobynyń prezıdenti Pıter Foster Qazaqstan men Arab memleketteri arasyndaǵy reıster áli de Irandy aınala ushyp jatqanyn aıtty.</p>

Degenmen, onyń aıtýynsha, áýe kompanııasy aldaǵy ýaqytta burynǵy baǵytyna qaıta oralýy múmkin.

- Qazirgi ýaqytta Dýbaı, Abý-Dabı, Doha, Jıdda, Medına baǵytyndaǵy reıster Iran áýe keńistigin aınala júrgizilip jatyr. Biraq ahýal birtindep durystalyp kele jatyr. Biz aldaǵy 2 aptada Iran arqyly qaıta usha bastaımyz dep úmittenemiz. Biraq jaǵdaıdy baqylaý kerek, bári tez ózgerip ketýi múmkin. Degenmen, biz qazirgi maqsatymyz burynǵy tike baǵytqa qaıta oralý jáne bul baǵaǵa áser etpeıdi, - dedi ol.

Eske salaıyq, buǵan deıin halyqaralyq áýe kompanııalary Taıaý Shyǵystaǵy jaǵdaıdan keıin reıs baǵyttaryn qaıta qaraǵanyn jazǵanbyz. 

Sondaı-aq Air Astana Irannyń áýe keńistigin aınalyp ótip, Dýbaıǵa ushatynyn jazǵan edik. 

Qazan aıynyń sońynda Iran áýe reısterine qoıylǵan shekteýlerdi alyp tastady.