Aldaǵy aptada elimizdiń biraz óńirinde jańbyr jaýady
«Qazaqstan aýmaǵynda qar basyp jatqan jerdiń jalpy aýdany 3 paıyzdy qurady. Qar jamylǵysy negizinen Shyǵys Qazaqstan, Abaı, Jambyl, Túrkistan, Almaty men Jetisý oblystarynyń ormandy jáne taýly aımaqtarynda saqtalǵan. Sınoptıkalyq boljamǵa sáıkes 20-26 sáýir aralyǵynda Qazaqstan aýmaǵynyń basym bóliginde aýa raıy qubylmaly bolady, tek keı kúnderi jaýyn shashynsyz ótýi múmkin», - dedi A. Ismagýlova Ortalyq kommýnıkatsııalar qyzmetindegi brıfıngide.
Onyń aıtýynsha, aptanyń basynda jáne ortasynda Shyǵys Qazaqstan oblysynda jańbyr bolýy yqtımal. Apta aıaǵynda Qazaqstannyń soltústik-batysynda, soltústiginde, ortalyǵynda, Abaı oblysynda túngi kezde qar aralas jańbyr jaýady.
«Sonymen qatar, 23, 25 sáýirde Jambyl oblysynda, 26 sáýirde Túrkistan, Almaty, Jetisý oblystarynda nóser jaýyn bolýy múmkin», - dedi Qazgıdromet ókili.