Aldaǵy 6 jylda Qazaqstan avtojoldarǵa 15 mlrd dollar ınvestıtsııa tartpaqshy – Marat Qarabaev

<p>Kólik mınıstri Marat Qarabaev &laquo;New Silk Way&raquo; halyqaralyq kólik-logıstıkalyq bıznes-forýmynyń ashylýynda 2030 jylǵa deıin salany damytý baǵytynda iske asatyn súıekti jobalarǵa toqtaldy, dep habarlaıdy QazAqparat tilshisi.</p>

«Transkaspıı halyqaralyq kólik marshrýtynyń ótkizý qabiletin 5 ese arttyratyndaı áleýet bar ekenin aıryqsha ataǵym keledi. Bul dáliz arqyly Qytaı Halyq Respýblıkasynan Eýropaǵa deıin júk 18 kún júrip barady. Bul – QHR men Eýropa arasyndaǵy eń qysqa jol», - degen mınıstr osy joldyń boıyndaǵy ózge eldermen birlese atqaryp jatqan sharýalarǵa toqtaldy.

Aıtýynsha, atalmysh dálizben júk tasymaldaý quny aldaǵy 5 jylda ózgermeıdi.

«Ázerbaıjan, Grýzııa, Qazaqstan elderiniń temirjol ákimshilikteri birlesken kásiporyn qurdy. Ol kásiporyn osy marshrýttyń ón boıynda tasymal operatorynyń qyzmetin atqarady. Aldaǵy bes jylǵa tasymal qunyn bekitip qoıdyq. Bul júk tasymaldaýshylardy qyzyqtyratyn faktor. ıAǵnı, tasymal quny 5 jyl boıy ózgermeıdi», - deıdi Marat Qarabaev.

Foto: Vıktor Fedıýnın/ Qazaqparat

 

Onyń sózinshe, Qazaqstan Qytaı men Eýropa arasyndaǵy júk aınalymynan meılinshe kóbirek tabys kórý úshin avtojol ınfraqurylymyna da biraz ınvestıtsııa tartpaqshy.

«Transkaspıı dálizinen bólek áýe jolyndaǵy baılanystardan úlken áleýet kórip otyrmyz. Qazaqstannyń áýe tasymalyn paıdalaný kórsetkishi 90 paıyzǵa artty. Bul turǵydan alǵanda, bizdiń mınıstrlik aldynda turǵan negizgi mindetterdiń biri – bizdiń áýejaılar bazasynda CargoHub-tar (halyqaralyq kólik-ekspedıtorlyq holdıng) qurý.

Avtojol salasyna jeke toqtalǵym keledi. Biz aldaǵy 6 jyldyń ishinde jańa 5 myń shaqyrym jol salyp, rekonstrýktsııalaǵymyz keledi. Investıtsııanyń jıyntyq qýaty 15 mlrd dollar bolmaq. Munyń bári Qazaqstan QHR men Reseı Federatsııasy arasyndaǵy, QHR men Eýropa arasyndaǵy tolyqqandy tranzıt habyna aınalý úshin jasalyp otyr», - dedi Marat Qarabaev.