Aldaǵy úsh jylda 8 shekaralyq aýyl kartadan joıylyp ketýi múmkin

<p>ASTANA. KAZINFORM &ndash; Keıingi on jyldyń ishinde Qazaqstan kartasynan 572 aýyl joıylǵan. Aldaǵy 3 jylda olardyń qataryna taǵy 546 aýyl qosylýy múmkin. Bul týraly Ulttyq ekonomıka mınıstrliginiń Kazinform saýalyna joldaǵan jaýabynda aıtylǵan.</p>

— 2014-2024 jyldar aralyǵynda elimizde 572 aýyldyq eldi meken
qysqartylǵan. Qazaqstan Respýblıkasy ákimshilik-aýmaqtyq qurylysy týraly» QR Zańynyń talaptaryna sáıkes, halyq sany 50 adamnan kem aýyldardyń qysqarýy oryn alyp, jaqyn mańdaǵy eldi mekenniń quramyna engiziledi. 2024 jyldyń 1 qańtaryndaǵy jaǵdaı boıynsha elde turǵyndarynyń sany 50 adamǵa jetpeıtin 546 aýyldyq eldi meken bar. Onyń ishinde 8-i strategııalyq (shekaradan 25 km qashyqtyqta ornalasqan) aýyldyq eldi meken, - dep jazylǵan resmı málimette.

Zań boıynsha bolashaǵy bulyńǵyr aýyldy áleýeti joǵary irgeles eldi mekenge qosý úshin 3 jyl qatarynan turǵyn sany 50-den tómen bolyp turýy kerek. 

— QR ákimshilik-aýmaqtyq qurylysy týraly» QR Zańynyń 14-2 baptyń talaptaryna sáıkes, úsh jyl boıy zańnyń 3-babynda belgilengen demografııalyq talaptarǵa saı kelmeıtin aýyl nemese kenttiń statýsyn ózgertý kózdelgen. Bul ýaqytsha shekteýler jıi aýysyp turatyn eldi mekenderdiń sanattaryn ózgertý múmkindigin boldyrmaý jáne jergilikti atqarýshy organdarǵa eldi mekenderdi damytý boıynsha sharalar qabyldaý múmkindigin qamtamasyz etý maqsatynda belgilengen, — dep jazady mınıstrlik mamandary. 

Oqý-aǵartý mınıstri Ǵanı Beısembaevtyń málimeti boıynsha, shekara mańyndaǵy 100-ge jýyq mektepte ınternet sapasy nashar.