Álibek Qýantyrov Syrtqy ister mınıstriniń orynbasary bolyp taǵaıyndaldy

<p>ASTANA. KAZINFORM&nbsp;&mdash; Memleket basshysynyń ókimimen Álibek Sakenuly Qýantyrov Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy.&nbsp;</p>

Álibek Qýantyrov 1983 jyly Atyraý qalasynda týǵan.

Tomsk memlekettik ýnıversıtetin, Mıchıgan ýnıversıtetin bitirgen, qoldanbaly ekonomıka magıstri.

Prezıdenttik jastar kadr rezerviniń múshesi.

Eńbek jolyn 2005 jyly QR Ekonomıka jáne bıýdjettik josparlaý mınıstrliginde jetekshi mamannyń mindetin atqarýshy bolyp bastady.

2005-2010 jyldary QR Ekonomıka jáne bıýdjettik josparlaý mınıstrliginde túrli laýazymdarda jumys istedi.

2010-2013 jyldary QR Qarjy mınıstrliginiń Bıýdjettik josparlaý jáne boljamdaý departamenti dırektorynyń orynbasary boldy.

2013 jyly QR Indýstrııa jáne jańa tehnologııalar mınıstrliginiń Geologııa jáne jer qoınaýyn paıdalaný komıteti tóraǵasynyń orynbasary qyzmetin atqarǵan.

2013-2019 jyldary QR Prezıdent Ákimshiliginde túrli qyzmetter atqardy.

2019-2021 jyldary QR Tuńǵysh Prezıdenti — Elbasy Keńsesiniń Aqparattyq-saraptamalyq qamtamasyz etý bóliminiń meńgerýshisiniń orynbasary, 2021-2022 jyldary QR Ulttyq ekonomıka vıtse-mınıstri, 2022-2024 jyldary — QR Ulttyq ekonomıka mınıstri qyzmetin atqarǵan.

Bıylǵy 1 sáýirde KazEnergy bas dırektory bolyp taǵaıyndalǵan edi.

Memleket basshysynyń ókimimen Nazıra Nurtúleýqyzy Nurbaeva Qazaqstan Respýblıkasy Syrtqy ister mınıstriniń orynbasary laýazymynan bosatyldy.