Albanııany Eýroodaq múshesi retinde kórýge beıildimiz – Qasym-Jomart Toqaev

ASTANA. QazAqparat – Memleket basshysy Qasym-Jomart Toqaev Albanııa Prezıdenti Baıram Begaımen Aqordada ótken kezdesýde eki el arasyndaǵy uqsastyqtarǵa toqtaldy, dep habarlaıdy QazAqparat tilshisi.

«Biz ekijaqty áriptestikpen baılanysty birqatar máseleni talqyladyq. Jaqyn keleshekte zertteýge turatyn úlken múmkindikter bar ekenin rastadyq. Sol arqyly elderimiz arasyndaǵy áriptestikti tereńdete damytyp, burynnan bar múmkindikterdi keńeıte alamyz. Biz Albanııany óte mańyzdy áriptes dep esepteımiz. Bul áriptestik aıasynda eleýli nátıjege qol jetkizý úshin qajetti basty másele. Osy eleýli nátıjelerge qol jetkizemiz de. Men Tıranaǵa elshi jiberdim. Bul bizdiń áriptestigimizdiń taǵy bir mańyzdy kezeńi dep oılaımyn», - dedi Memleket basshysy.

Qazaqstan basshysy Albanııanyń Eýroodaqqa qosylý nıetin qoldaıtynyn aıtty.

«Qazaqstan men Albanııa arasynda kóptegen uqsas dúnıeler bar. Eki memleket te kóptildi, kóptultty. Biz áriptestik pen ózara yntymaqtastyqty BUU, EQYU jáne basqa da iri halyqaralyq uıymdar aıasynda damytyp otyrmyz. Sizdiń Eýropa odaǵyna qosylý baǵytyndaǵy saıasatyńyzdan habarymyz bar jáne sizderdi Eýroodaq múshesi retinde kórýge beıildimiz. Eýroodaq bizdiń iri saýda seriktesimiz jáne Eýroodaqpen aradaǵy strategııamyz aıqyn», - dedi Qasym-Jomart Toqaev.

Aıta keteıik, búgin Albanııa Prezıdenti Baıram Begaı Qazaqstanǵa resmı saparmen keldi.