Albanııanyń burynǵy prezıdenti sybaılas jemqorlyqqa qatysy bar degen kúdikpen qamaýǵa alyndy

<p>ASTANA.KAZINFORM -&nbsp; Albanııanyń burynǵy prezıdenti jáne &laquo;Bostandyq&raquo; partııasynyń negizin qalaýshy Ilır Meta Sybaılas jemqorlyqqa qarsy arnaıy prokýratýranyń buıryǵymen ustaldy. Ol aqsha jylystatý, sybaılas jemqorlyq pen kiristi jasyrdy degen kúdikke ilindi, dep jazady <a href="https://ru.euronews.com/my-europe/2024/10/22/albania-ilir-meta-arrested?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews.</a></p>

Tutqyndaý kezinde Ilır Meta qarsylyq kórsetpek bolǵan. Qamaý faktisin onyń advokaty rastady.

Ol buǵan deıin baılyǵyn jasyrdy jáne aqsha jylystatty degen kúdikpen tergeýde bolǵan. Burynǵy memleket basshysy barlyq aıypty joqqa shyǵardy.

55 jastaǵy Ilır Meta Albanııanyń solshyl Bostandyq partııasynyń jetekshisi jáne 2017-2022 jyldar aralyǵynda el prezıdenti boldy. Ol – «kleptokratııalyq rejım ornatty» dep aıyptaıtyn premer-mınıstr Edı Ramanyń ashyq qarsylasy.

Albanııanyń Demokratııalyq partııasynyń basshysy Salı Berısha da ótken jyldyń jeltoqsan aıynan beri sybaılas jemqorlyqqa qatysy bar degen kúdikpen úıqamaqta otyr. Oppozıtsııa Ramany qarsylastaryn saıası astarly qýdalady dep aıyptaıdy. Premer-mınıstr muny joqqa shyǵarady.

Buǵan deıin Albanııa astanasynda tártipsizdikter men qaqtyǵystar bolǵan. Oppozıtsııa premer-mınıstrdiń otstavkaǵa ketýin talap etti.

Italııa mıgranttardyń birinshi tobyn Albanııadaǵy baspana ortalyqtaryna jiberdi.