Albanııa EQYU-ǵa tóraǵalyq etedi
22:54, 01 Qańtar 2020
NUR-SULTAN. QazAqparat - Eýropadaǵy qaýipsizdik jáne yntymaqtastyq uıymyna (EQYU) tóraǵalyq etý mindeti 1 qańtardan bastap Slovakııadan Albanııaǵa kóshti, dep habarlaıdy QazAqparat uıymnyń saıtyna silteme jasap.
«EQYU tóraǵalyǵyna kirisý Albanııa úshin tarıhı sát. Bul uıymǵa jetekshilik etý bizge kórsetilgen úlken senim»,- dedi premer-mınıstr - eýropalyq jáne sheteldik ister mınıstri, uıymnyń óńirlik óńirlik qaýipsizdigi tóraǵasy laýazymyna kirisken Edı Rama.
Onyń aıtýynsha, Albanııanyń tóraǵalyq etýi úsh mańyzdy maqsatqa negizdelmek: saıası mindettemeni oryndaý, jer-jerde bolýy yqtımal janjaldyń órshýiniń aldyn alý, saılaýdy qadaǵalaý nemese qoldaý, qaýipsizdikti kúsheıtý, azamattardyń ıgiligine jumys isteý. Sonymen qatar Parıj hartııasynyń 30 jyldyǵy rýh bergen dıalogty jalǵastyrý bolmaq.
Aıta ketken jón, Ýkraınadaǵy daǵdarysty retteý Albanııa tóraǵalyǵy kezinde basty nazarda bolady.