Albanııa basshysy QR Prezıdentiniń Іs basqarmasy Medıtsınalyq ortalyǵynyń aýrýhanasyna bardy

ASTANA. QazAqparat – Qazaqstanǵa resmı sapary aıasynda Albanııa Prezıdenti Baıram Begaı QR Prezıdentiniń Іs basqarmasy (QR PІB) Medıtsınalyq ortalyǵynyń aýrýhanasyna bardy, dep habarlaıdy QazAqparat.

QR PІB Medıtsınalyq ortalyǵynyń basshysy Alekseı Tsoı delegatsııany aýrýhana qyzmetimen tanystyrdy. Qonaqtar klınıkanyń zamanaýı jabdyqtar qoıylǵan bloktaryn, klınıkalyq farmakologııa, terapııa bólimderin, emdeý jáne ońaltý ortalyǵyn aralady.

Albanııa Prezıdenti Baıram Begaı Qazaqstanmen arada medıtsınalyq qyzmet kórsetý salasyndaǵy tájirıbe almasýdyń mańyzdylyǵyn atap ótti.

Aıta keteıik, dıagnostıka men emdeý sharalarynyń keń spektrin usynatyn, zamanaýı medıtsınalyq jabdyqtarmen jaraqtalǵan QR PІB Medıtsınalyq ortalyǵynyń aýrýhanasy elimizdegi eń ozyq klınıkalardyń biri sanalady. Halyqqa joǵary sapaly medıtsınalyq qyzmet túrlerin kórsetetin aýrýhana buǵan deıin JCI (Joint Commission International) halyqaralyq standarttarynyń talaptary boıynsha birneshe ret akkredıtteýden sátti ótken bolatyn.