Alaıaqtyqtan qorǵaný dárisinen ótken azamat ertesine «bank menedjerine» aldanyp qalǵan
Alaıaqtar 46 jastaǵy aqmolalyqqa qońyraý shalyp, ózin Kaspi banktiń qaýipsizdik qyzmetiniń qyzmetkerleri retinde tanystyra otyryp, áıeldi osy sátte onyń atynan operatsııalardy júrgizýge tyrysyp jatqan alaıaqtardyń «aldyn alý» úshin óz atyna nesıeler rásimdeý qajet ekenine sendirgen. Osylaısha, qylmyskerler psıhotehnologııa ádisterin qoldana otyryp, jábirlenýshini óte qysqa merzimde birqatar oılastyrylmaǵan sheshimder qabyldaýǵa májbúr etip, onyń atyna ártúrli bankterde: «Eurasian Bank» AQ, «Forte Bank» AQ, «Home Credit Bank» AQ 5 nesıe rásimdegen. Zalal somasy 9 mln 101 myń 631 teńgeni qurady. Barlyq alynǵan qarajatty jábirlenýshi alaıaqtardyń jeke shotyna aýdarǵan. Polıtsııa bólimi qyzmetkerleriniń málimetinshe, olar bir kún buryn jábirlenýshiniń jumys orny boıynsha, nesıe alaıaqtyǵynyń aldyn alý boıynsha dárister oqyǵan jáne jábirlenýshiniń moıyndaýy boıynsha ol alaıaqtyqtyń jandanǵan osy túri týraly habardar bolǵan.
Sonymen birge, jábirlenýshi tipti úıdegiler odan kúmándi adamdarmen sóılesýden bas tartýyn suraǵanyn aıtty, degenmen ótinish berýshi alaıaqtardyń qylmystyq aıla-sharǵysyna túsip qalǵan.Atalǵan derekke qatysty polıtsııa bólimi QR QK-niń 190-babynyń 3-bóligi (Alaıaqtyq) boıynsha sotqa deıingi tergep-tekserýdi bastady.