Alaıaqtyqtyń jańa túri: Almatyda qymbat kólikter men taýarlardy qoldy qylǵan 5 kúdikti ustaldy

<p>ALMATY. KAZINFORM &ndash; Tártip saqshylary qalaaralyq tasymaldaý salasynda qymbat avtokólikter men túrli taýarlardy jymqyrýmen baılanysty alaıaqtyq faktileri týraly eskertý jasady. Vedomstvo kólik urlaý aldaý tásili arqyly júretinin habarlaıdy.&nbsp;</p>

– Tapsyrys berýshilermen jáne júk kólikteriniń júrgizýshilerimen olardyń kólik pen taýar tasymaldaý týraly habarlandyrýlary boıynsha alaıaqtar habarlasyp, tasymaldaý qyzmetin usynady. Olar tapsyrys berýshilerge ózderin avtokólik júrgizýshisi retinde, al júrgizýshilerge tapsyrys berýshi retinde tanystyrady. Eki tarapty da aldap, kóndirip, odan ári qaraı zańsyz ótkizý maqsatynda urlanǵan taýardy artady, - dedi QR ІІM resmı ókili Shyńǵys Alekeshev.

Onyń aıtýynsha, kóbinese mundaı faktiler Almaty qalasy men Almaty oblysynan basqa óńirlerge tasymaldaý barysynda anyqtalǵan. Jedel-izdestirý is-sharalarynyń nátıjesinde osyndaı qylmystyq toptyń bes múshesi ustaldy.

- ІІM azamattarǵa júkti jóneltý jáne qabyldaý barysynda barlyq qajetti qujattarmen muqııat tanysýdy usynady. Habarlandyrýda kórsetilgen júrgizýshiniń nómirin mindetti túrde tekserip, onymen tasymaldaý marshrýtyn talqylap, jetkizý mekenjaıyn anyqtap alý qajet. Kúdikti is-áreketterdi baıqasańyz, dereý polıtsııaǵa habarlasyńyz, – dedi QR ІІM resmı ókili Shyńǵys Alekeshev.