Alaıaqtarǵa kóbine jasy kelgen kisiler men áıelder aldanyp jatady

ASTANA. QazAqparat - Qarjy naryǵyn retteý jáne damytý agenttigi qarjy saýaty jaıly saýalnama nátıjesin jarııalady, dep habarlaıdy QazAqparat.

Qarjylyq alaıaqtyqtyń eń kóp taraǵan túrleriniń biri - telefonarqyly(34,2%) jasalatyn jáne ınternet-alaıaqtyq (32,7%).

Saýalnama kórsetkendeı, respondentterdiń jartysynan kóbi qarjylyq alaıaqtyqpen tanys - 55,8%.

Kóbine bul telefon arqyly jasalatyn alaıaqtyq – «vıshıng» (34,2%) jáne ınternet-alaıaqtyq – «fıshıng» (32,7%).

Saýalnamaǵa qatysqandardyń 21,6% qarjy pıramıdasy uıymdastyrǵan alaıaqtyqqa kýá bolǵan, al 11,5% tólem kartalary boıynsha alaıaqtyqqa tap boldy.

Bul rette alaıaqtardyń azamattarmen baılanysynyń eń kóp taraǵan tásilderi - uıaly nemese qalalyq telefonǵa qońyraý shalý (51,5%), sondaı-aq áleýmettik jeliler men messenjerdegi habarlama (33,4%).

56% jaǵdaıda mundaı quqyq buzýshylyqty tanyp-bilýge bolady, alaıda respondentterdiń qalǵan 44% mundaı quqyq buzýshylyqty ýaqtyly anyqtaı almaǵan.

Alaıaqtardyń aıla-amaldaryna kóbine aǵa býyn ókilderi senim artady, óıtkeni saýalnamaǵa qatysqandardyń 50,7% (63+) alaıaqtyq pıǵyldy ajyrata almaǵan.

Belgili bolǵandaı, alaıaqtarǵa erlerge (42,6%) qaraǵanda áıelder (45,3%) kóbirek senip qalǵan.

Óńirler boıynsha Almaty jáne Shymkent qalalarynda (49,3%-dan), Shyǵys Qazaqstan oblysynda (48,7%) jáne Astana qalasynda (48%) «Joq, tanyp-bilý múmkin bolmady» degen jaýap nusqasy joǵary kórsetkishke ıe bolyp otyr.

Bul kórsetkishter, eń aldymen, iri qalalarda kásibı ekonomıkalyq alaıaqtyqtyń damý táýekeliniń joǵary deńgeıde ekenin kórsetýi múmkin.