Alaıaqtardan zardap shekkender shyǵynyn bankter men baılanys operatorlary jabýy kerek - depýtat

<p>ASTANA. KAZINFORM &ndash; Búgin Májilistiń jalpy otyrysynda depýtat Magerram Magerramov Qazaqstanda telefon jáne ınternet-alaıaqtyq órship ketkenin aıtty. Bul turǵyda ol Úkimet basshysy Oljas Bektenovtyń atyna saýal joldady.</p>

«Finprom málimetinshe, tek 2022 jyly ǵana alaıaqtar Qazaqstan turǵyndaryna 95,8 mlrd teńge zalal keltirdi, bul 2021 jylmen salystyrǵanda 88,3 paıyzǵa artyq. Qylmystardyń jartysyna jýyǵy ınternet keńistiginde jasalady. Qylmystyq isterdiń osy sanatynyń ashylý deńgeıiniń tómendigine baılanysty jábirlenýshilerdiń tek 2,5% ǵana materıaldyq zalal óteldi. Kıberqylmystardy sheteldegi halyqaralyq uıymdasqan qylmystyq toptary (UQT) jasaıdy dep boljaýǵa negiz bar», - dedi M. Magerramov.

Bul rette ol jeke adamdardyń málimetteri men bank derekterine ıe bolǵan telefon alaıaqtary árbir qazaqstandyqqa qońyraý shalyp jatqanyn aıtty. Tek 2023 jyldyń ózinde ǵana Qazaqstanǵa jalǵan nómirlerden baılanysqan 43 mıllıonnan astam qońyraýǵa tyıym salyndy.

«Qazir depýtattar qazaqstandyqtardyń múddesin qorǵaý úshin naqty usynystaryn daıyndap jatyr. ıAǵnı ekinshi deńgeıli bankter men uıaly baılanys operatorlarynyń ınfraqurylymy kómegimen alaıaqtar ózderiniń áreketterin jasap jatady. Sondyqtan osy ınfraqurylym arqyly alaıaqtar ózderiniń áreketterin iske asyrsa, onda zardap shekkenderge keltirilgen shyǵynnyń ornyn atalǵan bankter men uıaly baılanys operatorlary toltyrý tıis degen jaýapkershilikti júkteý usynyldy. Zań jobasyndaǵy mundaı jaýapkershilik kıber alaıaqtyqqa qarsy turý úshin qarjy jáne telekommýnıkatsııalyq kompanııalardyń qýatty tehnologııalyq resýrstaryn iske qosýǵa múmkindik beredi», - dedi depýtat.