Alaıaqtar júrgizýshi kýáligin jasap beremin degen jeleýmen Túlkibas turǵynyna 3 nesıe rásimdegen
16:30, 13 Qyrkúıek 2022
TÚRKІSTAN. QazAqparat – Alaıaqtar Túlkibas turǵynyn júrgizýshi kýáligin jasap beremin dep aldap, onyń atyna 3 nesıe rásimdegen, dep habarlaıdy QazAqparat tilshisi.
Oqıǵa Túlkibas aýdanynda bolǵan. Kúdikti er adam jábirlenýshiniń senimine kirip, az ýaqyt ishinde júrgizýshi kýáligin jasap beretinin aıtqan. Sodan, 250 000 teńge aqshasy men jeke kýáligin alyp ketken. Arada birshama ýaqyt ótkende jábirlenýshiniń atynan 3 nesıe rásimdep, 3 mln teńgege jýyq shyǵyn keltirgen.
«Atalǵan jaıt QR QK-niń 190-baby «Alaıaqtyq» baby boıynsha tirkeýge alyndy. Osy oqıǵaǵa qatysy bar buryn sotty bolǵan jergilikti turǵyn anyqtaldy. Qazirgi tańda kúdiktige qatysty sotqa deıingi tergeý amaldary júrgizilýde» - dedi Túrkistan oblysy porlıtsııa departamentiniń baspasóz hatshysy Gúlnar Ábdijapparova.