Alaıaqtar úsh aıda 500 adamnyń atynan kredıt alǵan
14:00, 05 Maýsym 2023
ASTANA. QazAqparat – Bıyl úsh aıda qarjy uıymdarynda zaım rásimdeýmen baılanysty 500 alaıaqtyq faktisi tirkeldi. Bul jaıynda Premer-Mınıstr Álıhan Smaıylovtyń Májilis depýtattary saýalyna bergen jaýabynda aıtylǵan, dep habarlaıdy QazAqparat tilshisi.
«Tsıfrlandyrýdyń jáne qashyqtan qyzmet kórsetýdiń damýymen qatar kredıt berý naryǵynda aldaý arqyly azamattarǵa jalǵan zaım rásimdeıtin alaıaqtar besendi bola tústi. 2022 jyly ishki ister organdary bankter men mıkroqarjy uıymdarda zaım rásimdeýmen baılanysty 3 myń alaıaqtyq faktisin tirkedi. Osy jyldyń 3 aıynda zaım boıynsha alaıaqtyqtyń shamamen 500 faktisi tirkelip otyr», - deıdi Úkimet basshysy jaýabynda.
Degenmen, Premer-Mınıstr elimizdiń Іshki ister mınıstrligi halyq nazaryna ınternet alaıaqtyqqa qatysty statıstıkalyq málimetterdi únemi jetkizetindigin atap ótedi.