Alaıaqtar Telegram-bot arqyly aqsha bopsalaý tásilin meńgerip alǵan

NUR-SULTAN. QazAqparat – Telegram messendjerinde shyǵys nómirlerdi aýystyryp, daýysty ózgertýge múmkindik beretin bot paıda bolǵan. Bul týraly jýrnalısterge «SerchInform» aqparattyq qyzmet bóliminiń basshysy Alekseı Drozd málimdedi, dep habarlaıdy QazAqparat TASS agenttigine silteme jasap.

«Telegram-da telefon nómirin aýystyryp shalýǵa múmkindik beretin bot paıda boldy. Botqa nómirdi aýystyryp telefon shalý komandasyn jiberip, odan keıin telefon shalynýy kerek nómir jáne qońyraý shalynǵanda kórinetin nómir engiziledi», - dedi ol.

Telefon shalý úshin paıdalanýshyǵa Telegram-nan shyǵý mindetti emes ekeni aıtylady. Sarapshy nómirdi aýystyryp qońyraý shalýdyń basqa qyzmetterine kirý sonshalyqty ońaı emes ekenin túsindirdi. Ádette olaı qońyraý shalý úshin arnaıy baǵdarlama ornatylady, vırtýaldy avtomattandyrylǵan telefon stansasy ashylady, olar ózara biriktirilip, SIP-telefonııa qyzmetine qosylady», - dep baıandady sarapshy.

«Bul Telegram-bot aqyly, alaıaq onda óziniń telefon nómirin qaldyrýy tıis, sondyqtan servıs úshin jasalatyn tólemniń qaskúnemder úshin jasyrynýǵa qanshalyqty múmkindik beredi degen suraq týyndaıdy. Bul bottyń, mysaly, qandaı da bir banktiń telefon alaıaqtaryn ustaý úshin qurǵan servıs ekenine sengimiz keledi», - dep qosty ol.