Alaıaqtar kóbine ınternet-alańdardaǵy jarnama arqyly aldaıdy

NUR-SULTAN. QazAqparat – QR Іshki ister mınıstrliginiń resmı ókili Nurdildá Oraz qylmystardyń jalpy kórsetkishinde 10 paıyzdan astamy alaıaqtyqqa tıesili ekenin aıtty, dep habarlaıdy QazAqparat tilshisi.

«Qylmystardyń jalpy aýqymynda 10 paıyzdan astamy alaıaqtyqqa tıesili. Internet tehnologııalardyń damýy arqyly azamattardy aldaý tásilderi men oqıǵalary artyp keledi. Ótken jyly ishki ister organdary ınternet alaıaqtyq týraly 14 myńnan astam isti tirkedi. Onyń ishinde 5,5 myńy jarnama boıynsha is júzinde bolmaǵan taýar nemese qyzmet úshin tolyq ári ishinara tólem jasaý faktisine qatysty qozǵaldy. Bul jarnamalardy alaıaqtar saýda ınternet alańdarynda jáne saıttarda ornalastarǵan», - dedi resmı ókil onlaın rejımdegi brıfıngide.

Onyń aıtýynsha, 3 myń alaıaqtyq azamattardyń jeke málimetterin alýǵa baılanysty bolyp otyr. Bul qylmystar onlaın nesıe rásimdeý maqsatynda jasalady.

Sonymen qatar, 2 myńnan astam alaıaqtyq azamattardyń jeke málimetterin ári karta shottary rekvızıtterin ıemdený jolymen mobıldi bankıng arqyly aqsha jymqyrýǵa qatysty.