Alaıaqtar qaıyrymdylyq uıymdardyń biryńǵaı reestri arqyly nesıe rásimdeýge árekettenýde

NUR-SULTAN. QazAqparat – Alaıaqtar qaıyrymdylyq uıymdarynyń biryńǵaı reestrin paıdalanyp, qazaqstandyqtar atyna nesıe rásimdeýge árekettenýde. Bul týraly «Qazaqstan halqyna» qorynyń baspasóz qyzmeti málim etti, dep habarlaıdy QazAqparat.

Tek demalys kúnderi «Atameken» UKP baılanys ortalyǵyna osyndaı shaǵymdarmen 250 adam júginse, dúısenbi, 7 aqpanda osy tektes taǵy 186 qońyraý túsken.

Máselen, ótinishterdiń birinde Shymkent turǵyny atamekenim.kz saıtynda kómekke ótinish berip, barlyq málimetterdi toltyrǵannan keıin ekranda nesıeniń sátti óńdelgeni týraly aqparat paıda bolǵanyn, sodan keıin oǵan odan ári aqshalaı nesıe rásimdeý týraly usynyspen beıne qońyraý tústi.

Dál osyndaı oqıǵa Óskemende de boldy. Onda qala turǵynyna elektrondy úkimettiń jalǵan portaly atynan SMS habarlama jiberilip, odan keıin aqshalaı kómek túrinde 1 166 000 teńge alý úshin joldanǵan SMS kodyn ataýdy suraǵan alaıaq telefon soqqan.

Osyǵan deıin Qordyń áleýmettik jelidegi messendjerlerine qor atynan «Qazaqstan halqyna» qory atynan telefon soqqan alaıaqtar tóleýge ýáde etken 42 500 teńge kólemindegi áleýmettik járdemaqyǵa qatysty suraqtar kelip túsken bolatyn.

«Qor messendjerler arqyly beıne nemese aýdıo qońyraýlar jasamaıdy. Jalǵyz baılanys quraly – qazaqstanhalqyna.kz saıty jáne atamekenim.kz qaıyrymdylyq uıymdarynyń biryńǵaı platformasy. Biz azamattardyń qaýesetterge senbeýin jáne alaıaq uıymdardyń arandatýyna berilmeýdi suraımyz. Tek resmı aqparatqa senińiz», – deıdi «Qazaqstan halqyna» qorynyń resmı ókili Álibek Ábdilov.

Sondaı-aq, ol mundaı alaıaqtyq faktiler týraly aıtyp, turǵyndardy eskertip júrgen qamqor jandarǵa alǵysyn bildirdi.