Alaıaqtar IPO boıynsha jalǵan mobıldi qosymshalardy iske qosýda

ASTANA. QazAqparat - IPO sharasy kezinde «QazMunaıGaz» AQ aktsııalaryna tıimdi aqsha salý syltaýymen alaıaqtar Play Market-tiń resmı dúkeninde kúmándi qosymshalardy belsendi túrde jarnamalaýda. App Store-da ázirge mundaı servıster paıda bola qoıǵan joq. Bul týraly Qarjy naryǵyn retteý jáne qadaǵalaý agenttigi qazaqstandyqtarǵa eskertý jasady.

Agenttiktiń habarlamasyna qaraǵanda, alaıaqtar tegin ornatýǵa bolatyn ártúrli mobıldi qosymshalardyń kómegimen IPO-da «aqsha tabýdy» usynady.

Ańqaý azamattardy kóbirek tartý úshin olar «QazMunaıGaz» AQ-tyń ataýy men logotıpin paıdalanady, al qosymshalarǵa sıpattamada az ǵana kúsh salyp joǵary, ári kepildi tabys alýǵa ýáde etedi. Bul qosymshalar úkimettiń qoldaýymen ázirlendi-mys dep sendiredi.

Alaıaqtar IPO sheńberinde baǵaly qaǵazdarǵa ınvestıtsııa salý jeńil jáne ár ınvestıtsııa úlken paıda ákeledi dep sendiredi. Dálel retinde olar jalǵan pikirlerdi ornalastyrady. Myna derekterge: qosymshanyń shyǵarylǵan kúnine, ol qanshalyqty jıi jańartylatynyna, ázirleýshisi kim ekendigine, pikirlerdiń sany men jarııalanǵan kúni jáne paıdalanýshylardyń aty-jónderine nazar aýdaryńyz. Qosymsha sizdiń derekterińizdi qalaısha jáne qandaı jolmen jınaıtyny, óńdeıtini jáne ázirleýshige beretini týraly aqparat mańyzdy bolyp tabylady.

Eske salsaq, qazaqstandyqtar IPO alańynda alaıaqtarǵa aldanbaý úshin arnaıy saıt ashyldy. Buǵan qosa jelide IPO týraly feık aqparattar óte kóp taraýda.