Alaıaqtar HQO saıty buzylǵany jaıly jalǵan habar taratty

<p>ORAL. KAZINFORM &mdash; Áleýmettik jelide halyqqa qyzmet kórsetý ortalyqtarynyń saıty buzylǵany týraly aqparat tarady.</p>

WhatsApp áleýmettik jelisi arqyly tarap jatqan aýdıojazbada polıtsııadan HQO saıtynyń buzylǵany jóninde habar túskeni, soǵan baılanysty eGov mobile arqyly 1414-ten habarlama kelse, eshqandaı siltemege kirmeý kerektigi aıtylady. 

«Azamattarǵa arnalǵan úkimet» memlekettik korporatsııasy» KEAQ BQO boıynsha fılıalynyń baspasóz qyzmeti bul aqparattyń shyndyqqa janaspaıtynyn jetkizdi. 

«Memlekettik korporatsııa HQO-nyń biryńǵaı saıty joq ekenin habarlaıdy. Halyqqa qyzmet kórsetý ortalyqtary qyzmetti óz oryndarynda kórsetedi. Memlekettik qyzmetterge onlaın tapsyrysty elektrondyq úkimet portaly nemese eGov mobile mobıldi qosymshasy arqyly berýge bolady. 1414-ten jiberilgen habarlama jalǵan emes. Bul habarlama eGov mobile-da tirkelmegen paıdalanýshylarǵa tústi. Atalmysh mobıldi qosymsha saýalnamalardan ótý úshin, sondaı-aq jańalyqtar týraly habarlaý úshin ártúrli ómirlik jaǵdaılarda jeke SMS jáne push-habarlama jiberedi» dep habarlady vedomstvodan.

Eske sala keteıik, budan buryn Qazaqstanda HQO operatorlaryna 300 myńǵa jýyq beıneqońyraý túskenin jazǵan edik.