Alaıaqtar qatelesip aldanǵan áıeldiń aqshasyn Almaty turǵynyna aýdartqan

<p>Aqmolalyq turǵyndy aldamaq bolǵan alaıaqtardyń áreketi iske aspady, &ndash; dep habarlaıdy Polisia.kz.&nbsp;</p>

Osy jyldyń 19 qarashasynda Kókshetaýdyń 63 jastaǵy turǵyny polıtsııaǵa alaıaqtyq týraly aryzben júgindi. Áıel adam birneshe saǵat buryn telefonyna, sodan keıin WhatsApp mesendjeri arqyly ózin polıtsııa qyzmetkerleri dep tanystyrǵan belgisiz adamdardan eki qońyraý túskenin habarlady.

Alaıaqtar habarlaǵandaı, "ótinish berýshiniń uly kóligimen jaıaý júrginshini qaǵyp ketken". Olar zeınetkerge ulynyń qabyrǵasy synǵanyn, sonymen qatar jaıaý júrginshi aýyr jaǵdaıda ekenin, jábirlenýshi tarap 300 myń teńge surap otyrǵanyn aıtyp qorqytqan.

Qala turǵyny qońyraý shalýshylarǵa mundaı soma joq ekenin, alaıda ol  200 myń teńge aýdarýǵa daıyn ekenin aıtqan. Qolda bar somaǵa kelise otyryp, alaıaqtar áıelge aqsha jiberý qajet bolatyn abonenttik nómirdi kórsetti. Biraq keıinirek belgili bolǵandaı, alaıaqtar qatelesip, abonenttik nómirdiń sońǵy eki sanyn durys kórsetpegen.

Barlyq nusqaýdy muqııat tyńdap, áıel termınal arqyly aqsha aýdarady. Sodan keıin ǵana ulyna onyń jaǵdaıy týraly bilýge qońyraý shalǵan. Polıtsııaǵa júginip, jedel-izdestirý is-sharalaryn júrgizgennen keıin qyzmetkerler aqshanyń Almaty qalasynyń 31 jastaǵy turǵynyna jiberilgenin anyqtady, barlyq jaǵdaıdy túsindirgennen keıin ol aqshany zańdy ıesine qaıtaryp berdi.