Alaıaq «jyndardan qorǵaǵany» úshin 120 mln teńge alǵan

SEMEI. QazAqparat – Abaı oblystyq áıelder kolonııasyna «jyndardan qorǵaǵany» úshin 120 mln teńge tabys tapqan Pavlodar qalasynyń turǵyny jazasyn óteýge qamaldy, dep habarlaıdy QazAqparat Abaı oblystyq Qylmystyq-atqarý júıesi departamentiniń baspasóz qyzmetine silteme jasap.

Pavlodar turǵyny jerlesin 120 mln teńgege aldap soqqan. Ol óziniń «dástúrli emes emdeý qasıetine jáne tylsym kúshke ıe ekenine» sendirip, barlyq otbasy múshelerin «jyndardan qorǵaý» keregin aıtqan.

Sóıtip, 2019 jyldyń naýryzynan 2020 jyldyń tamyzy aralyǵynda kásipker áıel «emshige» «jyndardan qorǵaný» úshin aqsha berip otyrǵan. Aqshalaı qarajattyń jalpy somasy – 120 mln teńge.

Pavlodar qalalyq soty QR QK 190-baby boıynsha alaıaqty kináli dep tanyp, bes jylǵa bas bostandyǵynan aıyrdy. Ol ortasha qaýipsizdiktegi kolonııada jazasyn óteıdi.

«Kolonııaǵa kelgen soń sottalýshyǵa túsindirý jumystary júrgizildi. Kún saıyn tárbıelik jáne psıhologııalyq áńgimeler ótkiziledi. Ol jasaǵan isine ókinip, óz is-áreketteri úshin keshirim suraıdy. Abaı oblysyndaǵy áıelder kolonııasynda otyrǵan áıelderdiń 50%-y QR QK 190-baby boıynsha (alaıaqtyq) jazasyn ótep jatyr», - delingen baspasóz málimdemesinde.