Alaıaq 3 mln teńgege ShQO turǵyny atynan onlaın-nesıe alǵan

ÓSKEMEN. QazAqparat – Shyǵys Qazaqstan oblysy Shemonaıha aýdanynyń turǵyny alaıaqtyń tuzaǵyna túsken, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Shemonaıha aýdandyq polıtsııa bólimine 34 jastaǵy jergilikti turǵyn júgingen. Óz sózinde ol alaıaqtyń qurbany bolǵanyn jetkizdi.

«Belgili bolǵandaı, ony áńgimege tartqan beıtanys bireý telefonyn surap alyp, banktiń mobıldik qosymsha arqyly 2 900 000 teńgeden astam somaǵa aqshalaı nesıe rásimdegen. Jedel-izdestirý sharalaryn júrgizgen polıtsııa qyzmetkerleri 27 jastaǵy jigitti qolǵa túsirdi. Jaýap alý kezinde ol kinásin tolyqtaı moıyndady», - dep habarlady vedomstvo ókilderi.

Qazirgi ýaqytta kúdikti qolhatpen bosatyldy. Atalǵan fakti boıynsha QR Qylmystyq kodeksiniń 190-baby 2-bóligine sáıkes sotqa deıingi tergeý amaldary bastalǵan.