Alataý qalasy aýyl men qala arasynda sabylǵan jurttyń máselesin sheshedi – Nurlan Ábilev

<p>Almaty oblysy Jetigen aýyldyq okrýgine qarasty 4 aýyldyq eldi meken Alataý qalasynyń quramyna engiziledi. Sondaı-aq Jetigen aýylynyń esimi &laquo;Alataý&raquo; bolyp ózgerýine baılanysty eshqandaı másele bolmaıdy. Bul týraly Almaty oblysy Jetigen aýyldyq okrýginiń ákimi Nurlan Ábilev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Aýyl ákiminiń aıtýynsha, búgingi Jetigen aýyldyq okrýginde 4 aýyldyq eldi meken bar: Jetigen, Quıǵan, Eńbek jáne Jańa arna aýyldary.

«Prezıdent Jarlyǵyna sáıkes 4 aýyldyń barlyǵy Alataý qalasynyń quramyna kiretin bolady. Bul rette turǵyndardy eshqandaı qıyndyqtar bolmaıdy dep sendirgim keledi. Eldi mekenniń ataýy ózgerýine baılanysty da qıyndyqtar bolmaıdy. Barlyǵy birtindep josparǵa sáıkes iske asatyn bolady. Memlekettik qyzmetter de burynǵydaı kórsetile beredi. Sondaı-aq aldaǵy ýaqytta Alataý qalasynyń quramyna basqa da aýyldar qosylatyn bolady. Jalpy, aldaǵy Alataý qalasynyń aýmaǵy 89 myń gektarǵa jetedi dep josparlanǵan», - dedi Nurlan Ábilov.

Alataý qalasynyń qurylýy oblys ekonomıkasyna úlken úles qospaq.

«Endi jumys izdep qalaǵa sabylǵan jurttyń máselesi sheshildi desek bolady. Sizder bilesizder, munda Jetigen – Qorǵas temir joly bastalady. Bul temir jol jelisi sheteldermen baılanysty damytyp, el ekonomıkasyn órkendetedi. Sondaı-aq Almaty stansasyn aınalyp ótetin Jetigen-Qazybek bek temir jol jelisiniń qurylysy bastaldy. Sonymen qatar qalanyń bas josparyna sáıkes kóptegen nysan salynyp, jumys oryndary ashylýy kerek. Prezıdent Jarlyǵy shyqqaly beri jergilikti halyq erekshe qýanyp, birin-biri quttyqtap jatyr», - dedi Jetigen aýyldyq okrýginiń ákimi Nurlan Ábilev.

Jetigen aýylynyń qoǵamdyq keńesiniń tóraıymy Qanıza Nuranova aýyldastaryn erekshe oqıǵamen quttyqtady.

«Biz keshe ǵana aýyl turǵyndary edik, al búgin aıaq astynan qalalyq bolyp shyǵa keldik. Bul ásirese men sekildi jasy úlken kisiler úshin erekshe oqıǵa. Bul – keremet jańalyq. Jańa qalanyń boı kóterýimen ekonomıka qarqyndy túrde ósetin bolady. Investıtsııa tartylyp, halyq úshin jańa jumys oryndary ashylady. Men aýyldastarymdy osy keremet oqıǵamen quttyqtaımyn», - dedi Qanıza Nuranova.

Marııa esimdi volonter Alataý qalasynyń qurylýynan tek jaqsylyq kútetinin aıtty.

«Halyq bul jańalyqtan oń ózgerister kútedi. Endi jastar aýyldan ketpeıdi dep oılaımyn. Qazir aýyl halqynyń 70 paıyzy qalaǵa baryp jumys istep júr. Sondyqtan munda eń aldymen jańa jumys oryndary ashylǵany durys. Jańa aýrýhanalar, mektepter, kolledj, ınstıtýttar salynsa bolsa tipti jaqsy», - dep atap ótti Marııa.

Buǵan deıin elimizde Alataý degen jańa qala paıda bolǵanyn jazǵanbyz. 

Sondaı-aq «Alataý» qalasy týraly reportaj jazǵan edik. 

Odan bólek, jańadan qurylǵan Alataý qalasynyń damý baǵyty aıqyndaldy.