Zań jobasy qalany basqarýdyń tıimdi júıesin qalyptastyrýǵa, tsıfrlyq jáne ınnovatsııalyq tehnologııalardy engizýge, zamanaýı halyqaralyq standarttardy qoldanýǵa, sondaı-aq qala qurylysy, áleýmettik, ekologııalyq jáne ınvestıtsııalyq úderisterdi retteýge baǵyttalǵan.
— Jobany qabyldaýdyń negizgi maqsaty — Alataý qalasynyń jumys isteýi men damýyna jeke ınvestıtsııalardy tartý úshin jetildirilgen quqyqtyq, uıymdastyrýshylyq jáne ekonomıkalyq jaǵdaılar jasaý. Bul óz kezeginde respýblıkanyń ekonomıkalyq sapasyn arttyrýǵa yqpal etpek, — delingen qujatta.
Alataý qalasynyń arnaıy mártebe aıasynda jumys isteýi, onyń damýy men qalalyq úderisterdi retteý tómendegi negizgi mindetterdi iske asyrýdy kózdeıdi:
— Alataý qalasyn halyqaralyq mańyzy bar ekonomıkalyq, tehnologııalyq, ǵylymı-bilim berý, saýda-oıyn-saýyq jáne ınvestıtsııalyq ortalyq retinde qalyptastyrýǵa jaǵdaı jasaý;
— adamı kapıtaldy, ınvestıtsııalar men tehnologııalardy jedel tartý jáne damytýǵa múmkindik beretin derbes quqyqtyq jáne ákimshilik rejımdi qalyptastyrý ári uzaq merzimdi saqtap turý;
— Alataý qalasyn damytýǵa salynatyn ınvestıtsııalardyń quqyqtyq qorǵalý kepildigin kúsheıtý;
— «Aqyldy qala» qalyptastyrý jáne ekonomıkalyq damýdy qamtamasyz etý maqsatynda ǵylym men tehnıkanyń ozyq jetistikterin, tehnologııalyq ınnovatsııalar men zamanaýı tásilderdi qoldaný;
— qalalyq ortany basqarýdyń aldyńǵy qatarly retteýshi jáne jergilikti basqarý tájirıbelerin engizý.
Atap aıtqanda, zań jobasynda Alataý qalasyn basqarýdyń tıimdi júıesin qurý, tsıfrlyq jáne ınnovatsııalyq tehnologııalardy engizý, halyqaralyq standarttardy qoldaný, sondaı-aq qala qurylysy, áleýmettik, ekologııalyq jáne ınvestıtsııalyq salalardaǵy úderisterdi retteý qarastyrylǵan.
Sondaı-aq qujatta Alataý qalasynyń arnaıy mártebe jaǵdaıynda jumys isteýiniń negizgi qaǵıdattary aıqyndalǵan. Bul týraly tolyq aqparatty Ashyq NQA portalynan oqı alasyz.
Eske sala keteıik, álemdik sáýlet alyptary Alataý qalasynyń tujyrymdamasyn tanystyrdy.