Alataý bókterinde báısheshek gúldedi

<p>ASTANA. KAZINFORM — Qazaqstandyq fotograf Dmıtrıı Dotsenko Almatyda taý bókterindegi báısheshekterdiń gúl jarǵan sátin túsirdi.</p>

«Jyl saıyn Alataý shafranyn sýretke túsiremin jáne árdaıym ártúrli shyǵady. Bul joly qar men muz arasynan gúldegen báısheshekterdi túsirdim. Názik gúldiń jylý men kúnge qalaı jol tabatyny tańqalarlyq», — dep bólisti Dmıtrıı Dotsenko Instagram paraqshasynda.

Alataýlyq shafran (Crocus alatavicus) gúli «Qyzyl kitapqa» engizilgen, sondyqtan ony julýǵa nemese taptaýǵa bolmaıdy.

Qazaqstanda krokýs Aqsý-Jabaǵyly jáne Almaty qoryqtarynda, Berikqara jáne Qaraqońyz botanıkalyq qoryqtarynda, Іle-Alataý jáne Altyn-Eml ulttyq tabıǵı parkterinde qorǵaýǵa alynǵan.