Alataý aýdanynda jer kólemi 345 gektardy quraıtyn Indýstrııalyq aımaq qurý kózdelip otyr - aýdan ákimi B.Mánizorov
dep habarlaıdy QazAqparat.
Shara barysynda aýdan ákimi Baǵdat Mánizorov Prezıdentimizdiń 2020 jylǵa deıingi ulan-ǵaıyr mindetterdi tujyrymdaǵan Ulttyq strategııasy memleketimizdi tolaǵaı tabystarǵa jeteleıtinin, ultymyzdy sol tabystar jolynda toptastyratyn tarıhı qujat bolyp tabylatyndyǵyn jetkizdi.
«Elbasymyz Joldaýynda el ekonomıkasynyń turaqty damýyna qol jetkizý úshin jedel ındýstrııalandyrý men ınfraqurylymdy damytýdy atap ótti. Osy oraıda, búgingi tańda Alataý aýdanynda jer kólemi 345 gektardy quraıtyn Indýstrııalyq aımaq qurý kózdelip otyr. Indýstrııalyq aımaqta otandyq jáne sheteldik ınvestorlardy tarta otyryp qazirgi zaman talaptaryna sáıkes óndiris oryndaryn ashý josparlanǵan. Búgingi kúnniń ózinde 40-tan astam ónerkásip oryndary jańa óndiris oryndaryn ashýǵa usynys bildirip úlgergen. Bul óz kezeginde aýdan men qala turǵyndaryn jańa jumys oryndarymen qamatamyz etpek», deıdi aýdan ákimi.
Sonymen qatar ol Elbasy Joldaýyndaǵy eńsesi bıik, bolashaǵy jarqyn elge aınalý úshin birneshe qaǵıdattardy negizge alýǵa shaqyrdy.
«Birinshiden, bizdiń eń basty qundylyǵymyz - ol Otanymyz, Táýelsiz Qazaqstan! Ekinshiden, memleket jáne onyń árbir azamaty qaı jerde de qoǵamnyń turaqtylyǵy men eldiń ál-aýqatyna keri áserin tıgizýi múmkin kez kelgen qadamdarǵa barmaýy tıis. Úshinshiden, ekonomıkalyq órleý - árqaısymyzǵa qatysty búkilhalyqtyq is. Bul - qoǵamnyń áleýmettik máselelerin sheshýdiń jáne barshamyzdy tabysqa bastaýdyń kilti.
Tórtinshiden, óńirlik jáne álemdik naryqpen yqpaldasý - damýdyń asa mańyzdy sharty. Mine, barshamyz osy qaǵıdattardy ustanatyn bolsaq, árbir azamattyń bolashaǵy zor, ál-aýqaty mol elge aınalatynymyz anyq», dedi B.Mánizorov.