Alataý «aqyldy qala» bolady — Jaslan Mádıev

<p>QONAEV. KAZINFORM &mdash; Jumys sapary aıasynda QR tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Alataý qalasynyń turǵyndarymen kezdesý ótkizip, azamattardy qabyldady.</p>

Kezdesýge tsıfrlyq damý mınıstrigi qurylymdyq bólimsheleriniń basshylary, Almaty oblysy men Alataý qalasy ákimdiginiń ókilderi, sondaı-aq baılanys operatorlary men «Azamattarǵa arnalǵan úkimet» memlekettik korporatsııasy ókilderi qatysty.

Halyqpen kezdesý barysynda mınıstr oblysty qoljetimdi ınternet pen baılanyspen qamtamasyz etý, sondaı-aq óńirde IT-salany damytý bóliginde júrgizilip jatqan jobalar men jumystar týraly aıtty.

Memleket basshysy Alataý qalasyn flagmandyq jobamen aıqyndady. Dál osy jerde jetekshi halyqaralyq iskerlik habqa aınalatyn jańa ıntegratsııalanǵan megapolıs salý josparda.

Tsıfrlyq damý mınıstrliginiń basshysy Alataý qalasy «Aqyldy qala» ekenin atap ótti. 

«Almaty oblysynda qazirdiń ózinde aqyldy tehnologııalar engizilip, „Smart City“ tujyrymdamasy iske asyrylýda. Qazirgi ýaqytta Qonaev qalasynda „109“ biryńǵaı baılanys ortalyǵy, „Alseko“ biryńǵaı esep aıyrysý ortalyǵy jumys isteıdi, barlyq avtobýstarda elektrondyq bıletteý júıesi iske asyryldy. Mektepterde qaýipsizdikti qamtamasyz etý úshin polıtsııanyń jedel basqarý ortalyǵyna kirýdi basqarý jáne baqylaý kameralary ornatylǵan», — dedi Jaslan Mádıev.