«Alashtyń rýhy jańǵyrǵan kún. Smaǵul Sádýaqasulynyń máıit kúli Astanaǵa ákelindi» - respýblıkalyq basylymdarǵa sholý

ASTANA. 22 qańtar. QazAqparat - Qazaq aqparat agenttigi respýblıkalyq basylymdarda 21 qańtar, juma kúni shyqqan ózekti materıaldarǵa sholýdy usynady.

***

«Keshe Aqordada Elbasy Nursultan Nazarbaevtyń tóraǵalyǵymen VII qysqy Azııa oıyndaryn ótkizýge daıyndyq máselesine arnalǵan keńes bolyp ótti. Onda Memleket basshysy qysqy Azııa oıyndary ótkiziletin Astana jáne Almaty qalalarynyń daıyndyq deńgeıin taǵy bir ret pysyqtady. Sondaı-aq otyrysta VII Qysqy Azııa oıyndarynyń ashylý jáne jabylý saltanattaryna daıyndyq máseleleri talqylandy», - dep jazady «Egemen Qazaqstan» gazeti senbilik sanyndaǵy «Azıadaǵa daıyndyq pysyqtaldy» degen taqyryppen jaryq kórgen maqalasynda. Basylymnyń atap ótýinshe, búgingi tańda Azıadaǵa óz sportshylary­nyń qatysýyn 27 el qýattap otyr. Qatysýǵa ótinish bergen sportshylar men resmı ókil­derdiń sany 4 myń 135 adamdy quraıdy.

Ót­ki­zilgeli turǵan oıyndardyń barlyq qazaq­stan­dyqtar úshin oń rólin atap kórsete kele, Azııa oıyndarynyń ashylý jáne ja­bylý salta­nat­taryna erekshe kóńil bólýge sha­qyrǵan Elbasy: «El ishinde sportty jáne salamat­ty ómir saltyn nasıhattaýda jáne óskeleń urpaqqa patrıottyq tárbıe berýde Azıada­nyń alar mańyzy úlken. Qazaqstan - osyǵan deıin 117 Olımpıada, álem jáne Azııa chem­pıondaryn tárbıelegen el. Olardyń tabystary men jetken jetistikteri memleketimizdiń abyroıyn arttyrdy. Biz aldaǵy jarysta Japonııa, Qytaı jáne Koreıa sekildi myqty qarsylastarymyz barlyǵyn túsinip otyrmyz. Degenmen, aldymyzǵa úlken mindet qoıýda­myz. Ol - qol jetkizgen medal sany boıyn­sha aldyńǵy úshtikten kóriný», - depti.

Premer-Mınıstr Kárim Másimovtiń qatysýymen burnaǵy kúni Jer resýrstaryn basqarý agenttiginiń keńeıtilgen alqa otyrysy bolyp ótti. Onda Úkimet basshysy elimizde mal sharýashylyǵyn damytý maqsatynda keń kólemdegi baǵdarlama belgilengenin, bul aýqymdy maqsatty júzege asyrý shabyndyqtar men jaıylymdardyń sapasy men esebine tikeleı baılanysty ekendigin atap kórsetti. Osyǵan oraı «Egemen Qazaqstan» gazetiniń búgingi sanynda «Bar baılyqtyń bastaýy» degen taqyryppen kólemdi maqala jarııalandy. Basylymnyń jazýynsha, alqa otyrysynda esepti baıandama jasaǵan Jer rýsýrs­ta­ryn basqarý agenttiginiń tór­aǵasy Ómirzaq Ózibekov 2010 jyly agenttiktiń aımaqtyq jer ınspektsııalary jer qatynas­ta­ry zańdylyqtarynyń saqta­lýyn qadaǵalaý maqsatynda 6300 tekseris júrgizgendigin atap kórsetken. Osy tekserister bary­synda 3,5 myń kemshilikter anyq­talyp, zań buzýshylarǵa ákim­shilik sharalar qoldaný ba­rysyn­da 428 mıllıon teńge aıyppul óndirilip alynǵan. Sonymen birge, ótken jyly jer ınspek­tsııalary elimiz boıynsha jalpy kólemi 3 mıllıon gektardan asa­tyn paıdalanymnan shyqqan 17 myń jer telimin anyqtaǵan. Onyń ishinde jalpy kólemi 1,7 mıllıon gektardy quraıtyn 4,9 myń ıesiz qalǵan jer telimderi esepke alynǵan. Jalpy kólemi 1,1 mıllıon gektar aýyl sharýa­shylyǵy maqsatyndaǵy jer memlekettik menshikkke qaıtaryldy. Onyń ishinde sot sheshimi arqyly jalpy kólemi 95 myń gektar 254 jer telimi memleket menshigine alyndy.

***

«Aıqyn» gazetiniń jazýynsha, keshe «Nur Otan» halyqtyq demokratııalyq partııasy Astana qalalyq fılıalynyń kezekti esep berý-saılaý konferentsııasy ótti. Bul sharaǵa 230 delegat, Parlament jáne Astana qalalyq máslıhatynyń, ortalyq jáne jergilikti memlekettik basqarý organdarynyń jáne beıresmı uıymdardyń ókilderi qatysty. Konferentsııada sóz alǵan Parlament Senatynyń tóraǵasy Qasym-Jomart Toqaev: «Partııada ult jetekshisi bolý - úlken jaýapkershilik. Partııa bolashaq saılaýshylardyń basym bóliginiń ókilderi, ol elimizdiń tuńǵysh Prezıdentiniń ókilettigin uzartý boıynsha referendým ótkizýge ózine basty mindetti alýy jáne halyq tańdaýyn júzege asyrýy tıis», - dep atap kórsetken.

Osy basylymnyń dástúrli «Aq sóıle!» aıdarynyń senbilik qonaǵy - tehnıka ǵylymdarynyń doktory Abaı Tursynovpen aradaǵy suhbat «Qazaqstan Aral teńizin qutqarýǵa bolatynyn dáleldedi» degen taqyryppen berilgen. Basylymnyń barlyq saýaldaryna tuşymdy jaýap bergen ol: «Qazaqstan shyn máninde, Aral teńizin qutqarýǵa bolatynyn dáleldedi. Soltústik Araldyń qaıta qalpyna kele bastaýy, onda balyq sharýashylyǵynyń damýy munyń aıqyn mysaly. Úlken ókinishke qaraı, Ortalyq Azııadaǵy basqa respýblıkalar bul máselege onsha bas aýyrtpaı otyr. Eger halyqaralyq qaýymdastyq belsene aralasyp, birlesken is-qımyl jobalaryn jasap, olardyń oryndalýyn qatań talap etse, jaǵdaı ózgerýi múmkin. Aral apatyn joıýdyń menińshe bir-birine uqsamaıtyn, biraq ózara óte tyǵyz eki joly bar», - deıdi. Ǵalymnyń Araldy quqtarý úshin usynyp otyrǵan amaldaryn bilgińiz kelse, «Aıqyn» gazetiniń senbilik nómirin jiberip almańyz.

***

«Táýelsizdigimizdiń 20 jyldyǵy jyl basynan-aq el úshin mańyzdy, urpaq úshin tálimdi bolatyn ispen bastalyp jatyr. Keshe memleketimizdiń tuǵyry - bas qalamyz Astanaǵa asyl tekti Alash rýhy jetkizildi. Tańǵy saǵat 7-den 25 mınýt ótkende Astana áýejaıyna Máskeýden reıstik ushaqpen Alashtyń ardaqty uly, qazaqtyń eldigi úshin jastaıynan aıanbaı eńbek etken qaıratkeri, ult muraty úshin kúresken arda zamaty Smaǵul Sádýaqasulynyń taǵdyr jazýymen jat jurtta qalǵan máıitiniń kúli ákelindi», -dep jazady «Alash aınasy» gazeti senbilik sanyndaǵy «Alashtyń rýhy jańǵyrǵan kún. Smaǵul Sádýaqasulynyń máıit kúli Astanaǵa ákelindi» degen maqalasynda. Basylymnyń atap ótýinshe, Alash aqıyǵynyń kúlin jer qoınaýyna tapsyrý isine qatysty oı ekige jarylyp tur. Biri Astananyń «Jastar» yqshamaýdanyndaǵy eski qorymdy atasa, endi bir top Qabanbaı eldi mekenindegi Qabanbaı batyr mazarynyń janyna jerlep, sol jerde ulttyq panteon ashqan durys sanaıdy. Alaıda naqty qaı jerge jerlenetini áli belgisiz. Belgili bolyp otyrǵany - Smaǵul Sádýaqasulynyń kúli Sádýaqas Ǵılmanı atyndaǵy eski meshitke jetkizilip, sondaǵy janaza shyǵarý bólmesine ýaqytsha qoıyla turady.

«Alystan kórgish qazaq quryp barady», dep dabyl qaǵady «Alash aınasy» gazeti búgingi nómirinde. «Ókinishke qaraı sońǵy ýaqyttary qazaqstandyqtar arasynda mıdyń «generatory» sanalatyn kózdiń nashar kórýi beleń alyp barady. Ásirese, jas balalar arasynda. Naqty aıtar bolsaq, respýblıkadaǵy bastaýysh synypta oqıtyn búldirshinderdiń 15 paıyzynyń kózi nashar kóretin bolsa, mektep bitirgenshe bhulardyń qatary 35 paıyzǵa deıin jetip jyǵylady eken», - dep jazady basylym. Maqalanyń tolyq nusqasyn senbilik nómirden oqı alasyzdar.

***

«Memleket basshysynyń atyna Tuńǵysh Prezıdenttiń ókilettigin 2020 jylǵa deıin uzartý týraly bastamashy toptyń bastamasyn qýattaǵan hattar tolassyz kelip túsýde», - dep jazady «Kazahstanskaıa pravda» gazeti. Máselen, Almaty oblysy, Panfılov aýdany, Aıdarly aýylynyń tur­ǵyny Ábilhan Ospanov by­laı dep jazypty: «Óz basym El­basynyń prezıdenttik óki­let­tigin 2020 jylǵa deıin uzartýdy qalyń jurtshylyq qyzý qoldap jatqan tusta únsiz qalýdy jón kórmedim. Dana qazaqta «Jaq­sy­nyń jaq­sy­lyǵyn aıt - nury tasysyn» degen ataly sóz bar. Men el ishindegi adammyn. Ha­lyq­tyń turmys-tirshiliginiń bu­ryn qandaı bol­ǵa­ny, qazir qan­daı deńgeıge kóte­ril­geni kóz al­dymda. Búgingi kúngi barshy­lyq­qa, beıbitshilikke shú­kir etýimiz úshin biz ótkendi umyt­paýy­myz kerek. Arada ótken jıyrma jylda halyqtyń tur­my­sy asa bir jyldamdyqpen jaqsar­dy. Osy kúni elimizdi álem tanı­dy. Sondyqtan, meniń paıym­daý­ym­­sha, Elbasy Nursultan Na­zar­baevtyń prezıdenttik óki­let­ti­giniń 2020 jylǵa deıin uzar­tylýy óte oryndy dep bilemin».