Alash partııasynyń Qyrǵyzstandaǵy qyzmeti týraly monografııa jaryqqa shyqty

ALMATY. QazAqparat – Almatyda QR Memlekettik hatshysy Qyrymbek Kósherbaev pen Qyrǵyz Respýblıkasynyń Memlekettik hatshysy Súıúnbek Kasmambetovtiń qatysýymen ótken «Qazaq-qyrǵyz – Alashtan» atty halyqaralyq ǵylymı-praktıkalyq konferentsııa aıasynda Halyqaralyq Túrki akademııasy jaryqqa shyǵarǵan birqatar eńbekterdiń tusaýkeser rásimi ótti, dep habarlaıdy QazAqparat tilshisi.

Belgili memleket jáne qoǵam qaıratkeri, tanymal ǵalym Zaınıdın Kýrmanovtyń «Kyrgyzskıı fılıal partıı «Alash»: sozdanıe, deıatelnost, sýdba» aty kitaby alashtaný salasynda jańalyǵy mol eńbek sanalady.

Halyqaralyq Túrki akademııasy jaryqqa shyǵarǵan irgeli eńbekte avtor tarıhı qujattar arqyly Alash partııasynyń Qyrǵyzstandaǵy qyzmetin jan-jaqty zerdelep, oǵan basshylyq jasaǵan tulǵalardyń tóńkeristen keıingi taǵdyry týraly baıandaıdy. Monografııaǵa alash qaıratkerleriniń muratqa jetý jolyndaǵy tabandy kúresi arqaý bolǵan.

Sonymen qatar, qyrǵyz-alash qaıratkeri, aǵartýshy ǵalym, aqyn Qasym Tynystanovtyń 1925 jyly qazaq jáne qyrǵyz tilderinde jaryq kórgen «Qasym jyrlary» kitaby Halyqaralyq Túrki akademııasy tarapynan túrik tiline tolyq aýdarylyp, faksımılesimen qosa akademııalyq jınaq retinde jarııanyp otyr.

Biregeı basylymdaǵy jyrlar qyrǵyzsha latyn álipbıinde jáne túrikshe aýdarmasymen qatarlastyra berilgen. Tarıhı basylymdy baspaǵa ázirleýge Sabyrbek Borýbaev atsalysty.

Nebary 37 jyldyq ǵumyrynda óshpes mol mura qaldyrǵan Qasym Tynystanov – qyrǵyz álipbıiniń bastaýynda turǵan, til bilimine ólsheýsiz úles qosqan tulǵa.

Aıta keteıik, Almatyda «Qazaq-qyrǵyz – Alashtan» atty halyqaralyq ǵylymı-praktıkalyq konferentsııa ótip jatyr.