Alash qozǵalysynyń 100 jyldyǵyna arnalǵan bəıge məresine jetti

TALDYQORǴAN. QazAqparat - Taldyqorǵanda Alash qozǵalysynyń 100 jyldyǵyna arnalǵan  báıge məresine  jetti. Alaman jarysta taldyqorǵandyq Erbol Sədýaqasovtyń "Sultan" atty səıgúligi ózge júırikterden oq boıy ozyq kelip, birinshi oryndy qanjyǵalady.

 Júldege túıe tigildi, dep habarlaıdy QazAqparat tilshisi. 

Shabandozy Mansur 9 jasta. Osymen jetinshi ret júldege ıe bolǵanyn aıtty. Al ekinshi  bolyp məre syzyǵyna  Aıdar Temirǵalıevtyń "Shı qasqasy" jetti. Jeńimpazǵa jylqy berildi. Úshinshi oryn Ədil Keńestiń "Erkemaı" jylqysyna buıyrdy. Sarqandyq turǵyn iri qarany qanjyǵalady. Tórtinshi jəne besinshi bolyp kelgen shabandozdar da júldesiz qaıtpady.

Al qunan báıgede Baýyrjan Əmirjanovtyń "Zymyran" atty  səıgúligi birinshi keldi. Júldege - túıe.  Ekinshi oryn aqsýlyq  Dııas Seısebaevtyń "Bonýs" jylqysyna buıyrdy.  Úshinshi bolyp  eginsýlyq Qumarǵalı Baıahmetovtyń aty kelip, iri qarany qanjyǵalady.

Alash qozǵalysynyń 100 jyldyǵyna arnalǵan sharaǵa olımpıada jeńimpazdary  Jaqsylyq Úshkempirov, Ermahan Ibraımov, olımpıadanyń qola júldegeri Aqjúrek Tańatarov syndy elge tanymal azamattar da qatysýda .  Sondaı-aq jarysqa arnaıy kelgen "Alashuly" toby óner kórsetti. Shara sońynda Alash arystarynyń rýhyna quran baǵyshtalyp, as berildi.

Aıta ketý kerek, atalǵan shara taldyqorǵandyq turǵyn Baýyrjan Barlybaevtyń tikeleı uıymdastyrýymen ótti.