«Alash» ınstıtýty Á.Bókeıhannyń ómiri týraly monografııanyń 2 tomyn shyǵarady

ASTANA. QazAqparat - L.N.Gýmılev atyndaǵy Eýrazııa Ulttyq ýnıversıtetiniń «Alash» ǵylymı-zertteý ınstıtýty 2016 jyly qazaqtyń kórnekti memleket jáne qoǵam qaıratkeri Álıhan Bókeıhanov týraly monografııanyń alǵashqy 2 tomyn shyǵarady. Bul týraly búgin Astanada «Álıhan Bókeıhan jáne ult rýhanııaty» taqyrybynda ótken dóńgelek ústel barysynda belgili boldy.

Instıtýt dırektory Sultanhan Aqqululynyń aıtýynsha, Álıhan Bókeıhanuly únemi Japonııa memleketiniń damý tájirıbesin zerttegen eken.
«1917 jylǵy aqpan tóńkerisine deıingi zertteýlerin oqyp qarasaq, Alash qaıratkerleri HH ǵasyrdyń basynda, HІH ǵasyrdyń ekinshi jartysynda feodaldyq artta qalǵan samýraılyq memleketten qazirgi Japonııanyń aınaldyrǵan 21 jyldyń ishinde álemdegi eń damyǵan qýatty elge aınalý tájirıbesin den qoıyp zerttegen. Osy Japonııanyń jáne Batys Eýropanyń damyǵan elderiniń tájirıbesi negizinde Alash qaıratkerleri búgingi qazaq elin sol 25 jyldyń ishinde álemniń eń ozyq, eń mádenıetti, agrarlyq-ónerkásiptik ındýstrıaldy memleketke aınaldyrýdy naqty josparlaǵan. Álıhannyń 1910 jylǵy «Qazaqtar» atty tarıhı-anyqtamalyq ocherkine nazar aýdarsańyz, qazaqtar japondardyń tájirıbesine 1904-1905 jylǵy japon-orys soǵysy kezinde qatty qyzyqqan. Sol kezde orys gazetterinde únemi jeńiske jete bergen japon ofıtserleriniń, japon ımperatorynyń portretterin jarııalaı bastaǵan»,-deıdi ınstıtýt dırektory.
-Sultanmahmut Toraıǵyrovtyń nemese Muhtar Áýezovtiń eńbekterin qarasańyz, on toǵyzynshy ǵasyrdyń ekinshi jartysynda nemese 1868 jyly Japonııanyń qazaq elinen eshbir artyqshylyǵy bolǵan joq. Demek, biz 21-25 jyldyń ishinde sol Japonııany basyp ozbasaq ta, odan kem bolmaıtyn elge aınalýǵa tolyq múmkindigimiz bar dep jazyp ketken. Olardyń naqty maqsaty qazaq elin shırek ǵasyrdyń ishinde álemniń tórine shyǵarý edi,-deıdi S.Aqqululy.