Alańdaýǵa negiz joq – Energetıka mınıstrligi avıaotyn máselesi týraly
«Vedomstvo avıaotyn qorlarynyń bolýyn jiti baqylap otyr jáne qazirgi ýaqytta áýe qatynasynyń buzylý qaýpi joq. Muny QR IDM Azamattyq avıatsııa komıtetindegi áriptester de rastap otyr. Sonymen qatar, elorda áýejaıy habarlaǵandaı, reseılik otyn jetkizýshiler Qazaqstanǵa jetkizýden bas tartty. Bul rette kórshi elden ındıkatıvtik teńgerimge sáıkes 300 myń tonnaǵa deıin avıakerosın ımporttalýy múmkin. Іs júzinde 9 aıda Reseıden 55 myń tonna ǵana ákelindi», - dedi QR Energetıka mınıstrliginiń baspasóz hatshysy Áıgerim Orazalıeva.
Onyń aıtýynsha, «QazMunaıGaz» UK AQ-qa jaqyn arada qosymsha 2 myń tonna avıaotyn óndirý tapsyrylǵan, onyń bir bóligi Nur-Sultan qalasynyń áýejaıyna da bólinetin bolady. Іri jetkizýshilerdiń biri Astana áýejaıyna taǵy 700 tonna jetkizýdi qamtamasyz etýge daıyn.
«Qarashaǵa kelisimsharttar 1-2 kún ishinde jasalady. Mınıstrlik munaı óńdeý zaýyttaryna avıakerosındi jóneltýdi jedeldetýdi tapsyrdy.Avıaotynǵa qatysty jaǵdaı belgili bir sharalar men sheshimderdi talap etetinin taǵy da atap ótkim keledi, biraq jaǵdaı tym kúrdeli dep aıtýǵa kelmeıdi jáne Energetıka mınıstrligi kerosın qaldyqtarynyń kúrt tómendeýine jol bermeý úshin ony damytýdyń barlyq stsenarıılerin pysyqtaýda», - deıdi Á. Orazalıeva.
Aıta keteıik, buǵan deıin Nursultan Nazarbaev halyqaralyq áýejaıy avıajanarmaı tapshylyǵynan áýejaıdyń úzdiksiz jumysy toqtaýy múmkin dep dabyl qaqqan bolatyn.