Alaman báıgeden respýblıkalyq týrnırde 160 tulpar básekege túsedi

ASTANA. QazAqparat - Astana qalasynyń mańynda 14 qyrkúıek kúni «Nur Otan» partııasynyń HV jyldyǵyna arnalǵan 43 shaqyrym qashyqtyq boıynsha alaman báıgeden «Altyn tulpar» respýblıkalyq týrnıri ótedi.

Týrnırge respýblıkamyzdyń 14 oblysy, Astana men Almaty qalalarynyń árqaısysy 10 báıge attan qatystyrýǵa ruqsat etilgen. ıAǵnı, bul alaman báıgede Qazaqstan boıynsha qatań irikteýden ótken 160 tulpar básekege túsedi degen sóz.

«Altyn tulpar» týrnıriniń erejesi boıynsha, báıgege attardyń barlyq tuqymdary qatystyrylyp, jasy 12-den asqan shabandozdar jarysqa jiberiledi. Shabandozdyń sonymen birge atty basqarýǵa ıkemi bar, arnaıy daıyndyqtan ótken jáne ata-anasynyń zańdy ruqsaty bolýy kerek. Jarys erejesinde bekitilgendeı, báıgege qatysýshy qyrkúıek aıynyń 8-ne deıin ótinim berýi tıis.

Báıge baǵdarlamasy boıynsha 13 qyrkúıek kúni oblystardan kelgen atbegiler ornalasqannan keıin mandat komıssııasynyń otyrysy ótkiziledi. Kelesi kúni ıaǵnı, 14 qyrkúıekte saǵat 12.00-de «Altyn tulpar» respýblıkalyq báıgesi saltanatty túrde ashylady.

Týrnırdi QR Ulttyq sport túrleri qaýymdastyǵy men QR Mádenıet jáne sport mınıstrligi «Nur Otan» partııasynyń qoldaýymen ótkizedi. Bas demeýshisi - «Samuryq-Qazyna» Ulttyq ál-aýqat qory.

Dástúrli alaman báıgesi jarysyn ótkizý arqyly uıymdastyrýshylar elimizdegi ulttyq at sportyna qyzyǵýshylyqty arttyryp, jastardy ulttyq qundylyqtardy qurmetteýdi, ultjandylyqqa úıretýdi, sonymen qatar dástúrli at báıgesi ulttyq sport túriniń deńgeıin kóterý, mádenıetin jetildirý, buqaralyq kópshilik sportqa aınaldyrýdy kózdeıdi, dep habarlaıdy QR Ulttyq sport túrleri qaýymdastyǵynan.