Alakólge joldamalar satý bastaldy
Almaty oblystyq týrızm basqarmasynyń málimetine sáıkes, Alakól kóliniń jaǵalaýynda qazirgi kezde 250 ornalastyrý obektileri bar. 2020 jyly 14 jańa nysan salý jasparda.
«Qazirgi tańda Aqshı aýylynda demalys saıabaǵynyń qurylysy júrgizilýde. Aǵymdaǵy jyldyń 6 shildesine deıin qurylysty aıaqtaý josparlanýda. Park aýmaǵynda avtokólik turaǵy, arkasy bar eki kirý toby, kúrkeler, oıyn alańdary, ortalyq qalqa, jazǵy kafe, 336 adamǵa arnalǵan amfıteatr, jazǵy sahna, fýtbol alańy, voleıbol alańy, velosıped alańy, rolıktermen syrǵanaýǵa arnalǵan alań, eki dárethana jáne trenajerlerge arnalǵan alań ornalasady»,– deıdi Almaty oblystyq týrızm basqarmasynyń týrıstik jobalardy josparlaý jáne júzege asyrý bóliminiń basshysy Baqytjan Orazbaev.
Sonymen qatar, ol 2020 jyldyń 1 maýsymynan bastap kún saıyn «Nur-Sultan-Úsharal-Nur-Sultan» jáne «Almaty-Úsharal-Almaty» baǵyttary boıynsha reıster ashylǵanyn aıtty. 8 maýsymnan 24 qazanǵa deıin «Almaty-Úsharal-Almaty» baǵyty boıynsha qosymsha reıs bolady (dúısenbi, sársenbi, beısenbi, juma, jeksenbi).
Aǵymdaǵy jyldyń 3 aqpanynan bastap «Jetisý» avıakompanııasy AQ «Taldyqorǵan-Úsharal-Taldyqorǵan» baǵyty boıynsha reısti aptasyna 7 ret júzege asyrady. Sondaı–aq, «Jetigen-Dostyq-Jetigen» baǵyty boıynsha áleýmettik mańyzy bar aýdanaralyq temir jol baǵyty sýbsıdııalanady, osy maqsatqa oblys bıýdjetinen 2017 –2021 jyldarǵa 85 mln teńge qarastyrylǵan.
«Poıyz 2020 jyldyń maýsym aıynan tamyz aıyna deıin aptasyna 3 ret júredi. 7 vagon iske qosylǵan. Bir bılet baǵasy platskart 2686 tg, kýpelik 4500 tg. jalpy oryn sany - 324. Tasymaldaýshy kompanııa qosymsha 10 kommertsııalyq vagon usynýǵa daıyn»,– deıdi ol.
Al, Shyǵys Qazaqstan aýmaǵyndaǵy jaǵalaýda 11 552 jatyn orny bar demalýshylarǵa arnalǵan 176 oryn iske qosylǵan. Olardyń barlyǵy onlaın brondaýǵa daıyn. Bir adamǵa turý baǵasy shamamen 2600 - 10 500 tg.
ShQO týrızm jáne ishki baılanys basqarmasynyń basshysy Marat Qabaqovtyń aıtýynsha, Alakólde jaǵalaýdy damytý boıynsha úlken jumystar atqaryldy.
«Biz alǵash ret Respýblıka, sonymen qatar oblys kóleminde sanıtar dárigerdiń qaýlysymen týrısterdi ornalastyrý nysandarynyń jumystary rettelgen pandemııa jaǵdaıynda jumys isteımiz. Týrıstik bıznestiń barlyq sýbektileri bul jaǵdaıdyń tek Qazaqstanda ǵana emes, búkil álemde oryn alǵanyn túsinedi, sondyqtan karantındik sharalardan sharshaǵan qazaqstandyqtardyń demalysy joǵary deńgeıde bolýy úshin bar múmkindikti jasaıdy»,– dedi Marat Qabaqov.
Alakóldiń shyǵys jaǵalaýyndaǵy barlyq demalys bazasynda jeke qorǵanys zattary bar (medıtsınalyq maskalar, qolǵaptar), zararsyzdandyrý zattary, onyń ishinde qoldy jýýǵa arnalǵan antıseptıkter, sondaı-aq temperatýrany ólsheýge arnalǵan baılanyssyz termometrler.
Týrızm salasyndaǵy kásipkerlik sýbektileriniń jumysy Shyǵys Qazaqstan oblysy memlekettik Bas sanıtar dárigeriniń 21 mamyr 2020 jylǵy №10 qaýlysymen rettelgen.
«Semeı men Óskemen qalalarynyń áýejaıyna kelgen barlyq jolaýshylar COVID-19 ekspress-synaqtamasyn tapsyratyn bolady. Áýejaılarda, temirjol men avtovokzaldarda mindetti túrde medıtsınalyq betperdeni kıip, araqashyqtyqty saqtap, sanıtaızerlerdi qoldaný kerek. Budan basqa, keletin jáne ketetin jolaýshylar úshin jeke dálizder jumys isteıdi, áýejaı men vokzal ǵımarattarynda jolaýshylardy shyǵaryp salýǵa tyıym salynady»,– deıdi ol.
«Іnjý» demalys kesheniniń ıesi Elena Asylbekovanyń aıtýynsha, Alakóldiń Shyǵys jaǵalaýyndaǵy týrıstik nysandardyń basym bóligi sanıtar dárigerlerdiń jańa talaptaryna beıimdelgen jáne aldaǵy týrıstik maýsymnyń sátti ótetinine senimdi.
Aıta keterligi, qazir, otandyq týragenttikter jappaı ishki týrızmen analysa bastady. Oǵan sebep, álemdik pandemııa.
«Biz eshqashan ishki týrızmen aınalysyp kórgen emespiz, bıyl alǵash ret qolǵa aldyq. Onyń sebebi, aıtpasa da túsinikti. Bul karantındik rejımge baılanysty. Bıylǵy jyldyń týrıstik trendi – Alakól. Qazaqstandyq týragenttikterdiń barlyǵy ishki týrızmge kóshti. Olar tek Alakólge ǵana emes, sonymen qatar Qapshaǵaı, Balqash, Býrabaı sııaqty jerlerge de arnaıy baǵdarlama ázirlep jatyr. Ótken jyldary Alakólge suranystyń qandaı bolǵanyn bilmeımin, bıyl aıtarlyqtaı ósetin sııaqty. Qazirdiń ózinde tapsyrys berýshilerdiń qatary kóbeıdi. Rekordttyq kórsetkishke jetýi de ábden múmkin»,– deıdi Maksım Banın NT.kz týragenttiginiń dırektory.
Alakólde demalýdy dástúrge aınaldyrǵan almatylyq Janysbekovtar otbasy bıylǵy demalystaryna erterek qamdana bastady.
«Biz Alakólge jylda shilde aıynda baramyz. Aqshıde demalǵandy jaqsy kóremiz. Jyldan-jylǵa qyzmet kórsetý salasy damyp keledi. Árıne, sáıkesinshe baǵasy da artyp otyrady. Mysalǵa, osydan úsh jyl buryn tórt adam (eki eresek, eki bala) bir aptaǵa 100 myń teńge jumsasaq, ótken jyly 140 myń teńgeshe kóbeıdi. Bıyl Alakólde demalýshylardyń sany artady. Sondyqtan erterek qamdanýǵa kiristik. Keshe ǵana baryp oryn brondap keldik»,– deıdi almatylyq Erlat Janysbekov.