Alakólge týrıster PTR anyqtamasymen nemese Ashyq jobasy arqyly barady
ShQO Bas sanıtar dárigeriniń qaýlysyna sáıkes, týrıstik-rekreatsııalyq aımaqtarda 1 maýsymnan bastap kúsheıtilgen sanıtarlyq-dezınfektsııalyq rejımdi, termometrııany, maska rejımin jáne áleýmettik qashyqty saqtaı otyryp, adamdardy ornalastyrý jáne demalý oryndarynyń jazǵy týrıstik maýsymǵa daıyndalýyna ruqsat etildi.
«Buqtyrma sý qoımasyndaǵy, Alakóldegi jáne «Rahman qaınarlary» sanatorııindegi demalys bazalary Ashyq jobasymen jumys isteıdi. «Jasyl» jáne «kók» mártebesi bar týrıster demalys oryndaryna bara alady. Al «sary» jáne «qyzyl» mártebesi barlarǵa oblystyń týrıstik aımaqtaryna barýǵa tyıym salynǵan», - delingen qujatta.
Sondaı-aq turǵyndar atalǵan jobasyz da demalys bazalaryna bara alady. Ol úshin berilgenine 72 saǵattan aspaǵan teris nátıjesi bar PTR anyqtama nemese COVID-19 ınfektsııasyna qarsy vaktsına alǵandyǵyn rastaıtyn pasport qajet.