Alakólge deıin Embraer tıpti úlken ushaqtar ushatyn bolady – ShQO ákimdigi
Ushyp-qoný jolaǵy qaıta jańartylǵannan keıin Úrjar áýejaıy orta qashyqtyqtaǵy ushaqtardy, sonyń ishinde jaqyn shet elderden keletin ushaqtardy qabyldaı alatyn bolady.
Ákim Shyǵys Qazaqstan tabıǵı jáne mádenı kórikti jerleri men saýyqtyrý demalys oryndar sany boıynsha jetekshi óńirlerdiń biri ekenin atap ótti. Sondyqtan, aımaqtaǵy týrızmdi damytý eń mańyzdy másele retinde kún tártibinen túspeıdi.
«Bizdiń oblystyń injý-marjany – Alakól. Qazir onda sý túbin tazartý jumystary júrgizilip, qutqarýshylar men polıtsııa kezekshilik etýde. Osy maýsymda 163 qonaqúı men demalys bazasy demalýshylarǵa qyzmet kórsetetin bolady. Olardyń 94-i ASHYQ júıesin qosqan. 900 qyzmetkerdiń 80% koronavırýsqa qarsy ekpe saldyrdy. Ótken jyldaǵydaı Alakóldi COVID-19-dan taza aımaqqa aınaldyrǵymyz keledi. Esterińizge sala keteıin, 2020 jyly jaǵalaýda birde-bir ınfektsııa tirkelgen joq», - dedi D.Ahmetov.
Sondaı-aq, oblys ákimi atap ótkendeı, 17 maýsymnan bastap Alakólge deıin Almaty, Nur-Sultan, Semeı jáne Óskemen qalalarynan qosymsha poıyzdar qatynaıtyn bolady. Tasymaldaýshy vagondar sany 61-ge deıin kóbeıtildi, avtobýstardyń da sany artty. Al, áýejaıdaǵy qaıta jóndeý jumystary aıaqtalǵan soń ushyp-qoný jolaǵynyń uzyndyǵy eki shaqyrymnan asady. Keıin Úrjar áýejaıy Embraer tıpti úlken ushaqtardy da qabyldaı alatyn bolady.