Alakóldegi kásipkerler salyqtan jaltarmaýy tıis – ákim

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Alakóldegi demalys bazalarynyń ıeleri salyqty zań sheńberinde tóleýi tıistigin málimdedi, dep habarlaıdy QazAqparat tilshisi.

Bul jaıly aımaq basshysy ShQO ákimdiginde ótken jınalys barysynda aıtty.

«Memlekettik kirister departamentine Alakól jaǵalaýynda jumys isteıtin kásipkerlermen kezdesý ótkizýge tapsyrma berdim. Pandemııa kezinde biz olarǵa túrli jeńildikter jasadyq. Sondyqtan, kásipkerler áleýmettik jaýapkershilik tanytyp, salyqty zań sheńberinde tóleýi tıis», - dedi ol.

Aıta keteıik, Danıal Ahmetov osyǵan deıin de Alakóldegi shaǵyn jáne orta bıznes ókilderiniń salyqtan jaltarmaý qajettigin basa aıtqan bolatyn. Búginde demalys ornynda birqatar iri ınfraqurylymdyq jobalar júzege asyrylǵan. Byltyr bul maqsatta 8 mlrd teńgege jýyq qarajat baǵyttaldy.