«Alakóldegi anakonda» - áleýmettik jelide jalǵan aqparat tarap júr

NUR-SULTAN. QazAqparat – Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet «Alakóldegi anakonda» ataýymen áleýmettik jelide tarap júrgen vıdeoǵa qatysty pikir bildirdi, dep habarlaıdy QazAqparat tilshisi.

«Sumdyq Alakólde anakonda meken etedi». Kóp adam «Alakóldegi anakondanyń» vıdeosyn joldap, onyń mán-jaıyn surap jatyr. Álbette bul jalǵan aqparat. Bizdiń otandastarymyz ol vıdeonyń basqasha daýyspen jazyp, bireýdi kúldirtkisi kelgen sekildi. Anakonda bizdiń jerde tirshilik etpeıdi», - degen Sáken Dildahmet vıdeonyń túpnusqasy men ózgertilgen nusqasyn saldy.

Eske sala ketsek osydan eki jyl buryn áleýmettik jelilerde taraǵan «Katonqaraǵaıdan anakondanyń tabylǵandyǵy» týraly aqparat shyǵysqazaqstandyqtardyda birshama dúrliktirgen bolatyn. Qytaı men Reseıdiń shekarasyna tıip jatqan atalmysh aýdannyń eń túkpirindegi «Arshaty aýylynan anakonda tabyldy» degen málimet aldymen «WhatsArp» arqyly tarap, kóp uzamaı barlyq áleýmettik jelide talqylana bastaǵan edi.

Alaıda Katonqaraǵaı memlekettik ulttyq tabıǵı parkiniń janýarlar álemi bóliminiń basshysy Azamat Múbárakov Buqtyrmanyń aǵysy qatty bolǵandyqtan, onda sý jylandary kezdespeıtinin aıtqan edi.