Alakólde týrıstik maýsym qashan bastalady

SEMEI. QazAqparat - Alakól kóli jaǵalaýynda týrıstik maýsym 15 maýsymda bastalady, dep habarlaıdy QazAqparat Abaı oblysy ákimdigine silteme jasap.

Bıyl jaıly demalysty uıymdastyrý úshin Abaı oblysynyń ákimdigi jol kartasyn ázirledi. Oǵan 40-qa jýyq shara endi. Kelýshilerdi kóptegen jańalyqtar kútip tur.

Bul týraly oblys ákiminiń birinshi orynbasary Aıdyn Kárimov aıtyp berdi.

Esterińizge sala keteıik, Astanadan Úrjarǵa birinshi bolyp QazaqAir áýekompanııasynyń ushaǵy ushqan bolatyn.

Sondaı-aq Abaı oblysynda jazǵy kezeńde Alakól kóline jolaýshylar tasymaly uıymdastyrylady.

Qazir Úrjar aýdanynyń Alakól kóliniń jaǵalaýynda sý burý kanalyn salý úshin jer qurǵatý jumystary júrgizilip jatyr.

Kól jaǵalaýyn elektrmen jabdyqtaý máselesi de sheshilý ústinde. Saraptama qorytyndysy alyndy. Jobalardy iske asyrý jaǵy qarastyrylyp jatyr.

Jazǵy kezeńde Alakól kóline 4 avtobýs jolaýshy tasymaldaıdy. Sondaı-aq «Semeı-Jalańashkól» stantsııasy temirjol marshrýtyna qyzmet kórsetýge tender ótkizildi. Onyń jeńimpazy - «Jolaýshylar tasymaly» AQ. Bıyl quramyna 5 vagon engen poıyz aptasyna 3 ret qatynaıdy.