Alakólde kúshti jel turyp, jarylǵan muz ústinde ketken balyqshynyń denesi tabyldy

<p>TALDYQORǴAN. KAZINFORM &ndash; Jetisýlyq qutqarýshylar sýdan mert bolǵan balyqshynyń denesin alyp shyqty.</p>

Óńirlik Tótenshe jaǵdaılar departamenti baspasóz qyzmetiniń habarlaýynsha, 28-shi naýryz kúni Jaıpaq aýylynan 5 shaqyrym jerde Alakól kólinde jel kúsheıip, balyqshy turǵan jerdegi muz jarylǵan.

«TJD qutqarýshylary bolǵan oqıǵadan habardar bolysymen birden izdeý jumystaryna kiristi. Búgin saǵat 14:54 kezinde qutqarýshylar balyqshynyń denesin sýdan alyp shyqty»,-delingen TJD baspasóz-baıanynda.

Osy rette TJD ókilderi tap qazirgideı kún jylynǵan tusta muzdyń óte juqa jáne óte qaýipti ekenin eskertti.

Osyǵan deıin Ekibastuzda balyq aýlaýǵa shyqqan er adamnyń sýǵa batyp ketkenin jazǵan bolatynbyz.