Alakólde demalýshy tas laqtyryp, kishkentaı bala zardap shekti
Oblystyq polıtsııa departamenti baspasóz qyzmetiniń málimetinshe, Aqshı aýylyna Alakól jaǵasynda demalýǵa barǵan erli-zaıypty aryz túsirgen.
«Shaǵymdanýshylardyń aıtýynsha, olar demalys ornyn izdep júrgen. Sol sátte olardyń kóligine belgisiz er adam tas laqtyryp, avtomobıldi búldirgen. Mashınada úlkenderden bólek, taǵy tórt bala bolǵan. 8 jastaǵy qyz zardap shekti. Ol oblystyq balalar aýrýhanasyna jatqyzyldy. Jedel-izdestirý barysynda Jarkent qalasynyń 28 jastaǵy turǵyny ustaldy. Ol ishimdik ishkendikten, osyndaı buzaqylyq jasaǵanyn túsindirdi. Qazir atalǵan fakti boıynsha qylmystyq kodekstiń buzaqylyq babymen tergeý júrgizilip jatyr. Qajetti saraptamalar taǵaıyndaldy», - delingen vedomstvonyń habarlamasynda.
Tergeý barysynda kúdikti eshqaıda ketpeý qolhatymen bosatyldy.
Aıta ketsek, Alakólge demalýǵa baryp, keleńsiz jaıtqa tap bolǵandar – Taldyqorǵan qalasynyń turǵyndary.
Eske sala ketsek, buǵan deıin jergilikti atqarýshy organdarǵa Úsharal jáne Úrjar áýejaılaryndaǵy jóndeý jumystaryn tez arada aıaqtaý tapsyryldy.