Alakólde 30 keli balyqpen ustalǵan kúdiktiniń ústinen qylmystyq is qozǵaldy

TALDYQORǴAN. QazAqparat - Jetisý oblysynyń Alakól kólinde motorly qaıyq, tor jáne zańsyz aýlaǵan balyqtarymen brakoner ustaldy, dep habarlaıdy QazAqparat tilshisi.

Jetisý polıtseıleri óńirdiń balyq sharýashylyǵy ınspektorlarymen birlesip Alakól kólinde brakonerlikpen aınalysqan 44 jastaǵy er adamdy ustady. Ustalǵan adam kórshi Abaı oblysynyń turǵyny bolyp shyqty. Odan tártip saqshylary 30 keli zańsyz aýlanǵan kókserke balyǵyn tárkiledi.

«Memleketke keltirilgen zalal 400 myń teńgeden asady. Bul fakt boıynsha QR QK-niń 335-babynda kózdelgen qylmystyq is qozǵaldy (Balyq resýrstaryn, basqa da sý janýarlaryn nemese ósimdikterin zańsyz alý), zattaı aıǵaq retinde daratalshyq tor men motorly qaıyq iske qosa tirkeldi», – dedi tabıǵat qorǵaý polıtsııasynyń aǵa ınspektory Baǵlan Rymjanov.

Balyq satý úshin qabyldaý pýnktine ótkizildi. Odan ári jınalǵan qarajat memleket kirisine tapsyrylady.