Alakól men Balqash baǵytyndaǵy maýsymdyq reıster sany artady

<p>ASTANA. KAZINFORM &ndash; Alakól men Balqash baǵytyndaǵy maýsymdyq reısterdi ulǵaıtý máselesi pysyqtalyp jatyr. Bul týraly&nbsp;Týrızm jáne sport mınıstrligi OKQ alańynda ótken baspasóz konferentsııasynda málim etti.&nbsp;</p>

Infraqurylymdy damytý — týrıstik maýsymǵa daıyndyqtyń birinshi kezeńi. Ótken jyldyń qorytyndysy boıynsha Mańǵystaý oblysynyń «Jyly jaǵajaıyna» ınfraqurylym tartý boıynsha birqatar joba aıaqtaldy, Almaty áýejaıynyń jańa termınaly ashyldy. Aldaǵy ýaqytta Shymkent pen Qyzylordada 2 jańa áýejaı termınaly ashylmaq. 

«Jazǵy maýsym qarsańynda Qazaqstannyń kýrorttyq aımaqtaryna aparatyn maýsymdyq reısterdiń jıiligi men sanyn arttyrý máselesi pysyqtalyp jatyr. Ótken jyldary olardyń sany Alakól kólinde demalǵysy keletinderdiń aǵynyn qamtymaǵany belgili. Azamattyq avıatsııa komıtetiniń aqparaty boıynsha, bıyl konkýrstardyń qorytyndysy boıynsha 22 sýbsıdııalanatyn avıareısti júzege asyrý josparlanyp otyr, onyń ishinde Úrjar — Almaty — Úrjar, Almaty — Úsharal — Almaty baǵyttary boıynsha. Sonymen qatar, Astana — Úrjar — Astana, Almaty — Úrjar — Almaty, Almaty — Balqash — Almaty Astana — Balqash — Astana baǵyttary boıynsha kommertsııalyq avıareıster josparlanýda», - dedi QR Týrızm jáne sport mınıstrligi Týrızm ındýstrııasy komıtetiniń tóraǵasy Nurtas Káripbaev OKQ alańynda ótken baspasóz konferentsııasynda.