«Alakól» qoryǵynyń birneshe basshysy para aldy dep sottaldy

<p>ASTANA. KAZINFORM — «Alakól memlekettik tabıǵı qoryǵy» RMM dırektory sottaldy, dep habarlaıdy Antıkor.</p>

 — Jetisý oblysynda Alakól aýdandyq sotymen Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Alakól memlekettik qoryǵy» RMM dırektory Q. Ábilqasymov, onyń orynbasary N. Beısenov jáne bólim basshysy R. Shalapanov sottaldy. Olar qyzmet kórsetiletin aýmaqta zańsyz shóp shabý boıynsha ákimshilik jaýapkershilikke tartpaǵany úshin jergilikti turǵyndardan aldyn ala sóz baılasý arqyly adamdar tobynda birneshe ret para alǵany úshin kináli dep tanyldy. Abylqasymov pen Shalapanovtyń árqaısysyna 10,5 mln teńge, al Beısenovke 15,7 mln teńge kóleminde aıyppul salyndy. Osy úkimmen, Alakól aýdanynyń turǵyndary O. Býlgýnchınov men K. Kanagatov atalmysh laýazymdy tulǵalarǵa para bergeni úshin sáıkesinshe 6 mln teńge jáne 2,2 mln teńge aıyppulǵa sottaldy, — delingen Antıkor habarlamasynda.

Sonymen qatar, sottalǵandarǵa ómir boıy memlekettik qyzmette jáne kvazımemlekettik sektorda qyzmet atqarýǵa tyıym salynady.

Sot úkimi zańdy kúshine endi.

Buǵan deıin Qazaqtelekomnyń laýazymdy tulǵalary tergelip jatqany týraly habarlaǵan bolatynbyz.