«Aladdın» fılminiń keıipkerleri qazaq tilinde sóıledi
Rejısser Gaı Rıchchıdiń «Aladdın» otbasylyq mıýzıkli - joba aıasynda gollıvýdtyq týyndylardy qazaq tilinde dýblıajdalǵan 29-shy fılmi retinde sanalady.
Fılmnyń sıýjeti boıynsha, Aladdın atty jas ury Jasmın hanshaıymǵa úılený úshin hanzada bolǵysy keledi. Al, Agraba ýáziri Djafar qalany basyp alǵysy kelip, ǵajaıyptar úńgirinde saqtaýly turǵan sıqyrly shamdy alýǵa tyrysyp baǵýda. Ol úńgirge júregi taza, «qyrlanbaǵan almaz» dep atalatyn adam ǵana kire alady jáne bundaı adam - dál osy Aladdınniń ózi.
Bárimizge belgili, «Aladdın» mýltfılmi 1992 jyly «Úzdik án» jáne «Úzdik biregeı saýndtrek» nomınatsııalarynda eki «Oskar» júldesine ıe bolǵan.
Fılmniń dýblıajdalýyna Nur-Sultan men Almatynyń 50-den astam akterleri kastıngke qatysqan. Áıgili akter Dáýren Sergazın - jyndy, al ánshi jáne akter Nurlan Álimjanov - Djafardy daýystady. Fılmniń dýblıajdalýyna 10-nan astam kásibı akter jumys istedi.
«Jyndy dybystaý maǵan buıyrdy(aǵylshyn tilinde Jynnyń daýysyn Ýıll Smıtt dybystaǵan). Bul óte qıyn obraz, sebebi Jyn myń qubylmaly keıipker. Álemge ataqty fılmderdiń qazaq tilinde úlken ekrandarda kórsetilýi bizdi qýantady», - dedi akter Dáýren Sergazın.
Sondaı-aq, «Ýolt Dısneı» stýdııasynyń qazaqsha dýblıajdalǵan «Aladdın» fılminiń qaıyrymdylyq kórsetiliminde Almaty qalasynyń ákimi Baýyrjan Báıbek qatysty.
«Dýblıaj boıynsha alǵashqy joba kezinde Elbasy Nursultan Ábishuly Nazarbaev batasyn bergen. Búgingi kúni «Ózińnen basta» áleýmettik jobasy kórermenderdiń de, el bıznesiniń de júreginen aıshyqty oryn aldy. Ataqty týyndylar ana tilimizde dybystalýy memlekettik tildiń álemge tanylýyna, damýyna jetkizedi», - dedi Almaty qalasynyń ákimi Baýyrjan Báıbek.
«Aladdın» 23 mamyrdan bastap Qazaqstandyq kınoteatrlarda kórsetiledi.