Alvarestiń komandasy Golovkınge ses kórsetýde
Gennadıı 16 qyrkúıek kúni ótken alǵashqy jekpe-jekte onyń qarsylasy Saýl Alvarestiń tyıym salynǵan zattardan «taza» bolǵanyna kúmán keltirgenin buǵan deıin jazǵan edik. Qazaqstandyq boksshy sondaı-aq meksıkalyqtyń promoýteri, birneshe salmaq dárejesindegi álemniń burynǵy chempıony Oskar de la Hoııany da dopıng qoldanýda aıyptaǵan bolatyn.
«Golovkın bul sózderdi óz-ózine senimsiz bolǵandyqtan jáne jekpe-jekten bas tartý maqsatynda aıtqan sııaqty. Eger ol judyryqtasqysy kelmese, solaı aıtsyn. Onyń aıtqan sózderi ótken aptada bildirgen pikirine qarama-qaıshy. Onyń «ınektsııa izderi» týraly jáne De la Hoııanyń atyna aıtylǵan pikirleri men ózge de málimdemelerine qaıran boldym. Bul - jala jabý jáne biz sáıkes sharalar qoldanamyz. Eki apta buryn Tom Lefflermen keremet kezdesý ótkizdik. Biraq, Tom Abel Sanchestiń ústinen qandaı da bir baqylaý júrgize almaıtyn sııaqty. Eger Gennadıı osyndaı nárseler aıtsa, demek ol jekpe-jekti ýaıymdap otyr. Eger ol judyryqtasqysy kelmese, barsha jurttyń aldynda sony aıtsyn», - dedi Erık Gomes Boxingscene.com-ge bergen suhbatynda.