Alvarespen úshinshi aıqastan keıin Golovkın álemdik reıtıngide joǵarylady

ASTANA. QazAqparat – BoxRec.com portaly salmaq sanattaryna qaramastan (pound-for-pound) álemniń úzdik boksshylarynyń reıtıngin usyndy, dep habarlaıdy QazAqparat Sports.kz portalyna silteme jasap.

Qazaqstandyq boksshy Gennadıı Golovkın Saýl «Kanelo» Alvarespen úshinshi aıqasqa deıin atalǵan tizimde segizinshi orynda turǵan bolsa, Alvaresten jeńilgennen keıin birden úsh satyǵa kóterilip, besinshi orynǵa ornalasty.

Boxrec-tiń P4P jańartylǵan reıtıngi:

1. Saýl «Kanelo» Alvares (Meksıka)
2. Dmıtrıı Bıvol (Reseı)
3. Terens Kroýford (AQSh)
4. Aleksandr Ýsık (Ýkraına)
5. Gennadıı Golovkın (Qazaqstan)
6. Entonı Djoshýa (Ulybrıtanııa)
7. Errol Spens-mladshıı (AQSh)
8. Naoıa Inoýe (Japonııa)
9. Shakýr Stıvenson (AQSh)
10. Deonteı Ýaılder (AQSh)

Aıta keteıik, 18 qyrkúıek kúni Golovkın – Alvares jekpe-jek keshiniń anderkartynda AQSh ókili Gabrıel Rosadony (26-16-1, 15 KO) jeńgen qazaqstandyq boksshy Álı Ahmedov te (18-1, 14 KO) Boxrec.com reıtınginde birden 37 satyǵa kóterilgen bolatyn.