Alvarespen revansh ótpese, Golovkın rıngke qashan oralady

ASTANA. QazAqparat -  Gennadıı Golovkınniń promoýteri Tom Leffler GGG-diń Saýl Alvarespen revanshy týraly kelissózder protsesi, sondaı-aq taraptar kelisimge kele almaǵan jaǵdaıdaǵy qosymsha josparlar jóninde aıtyp berdi, dep habarlaıdy Sports.kz.

«Biz qarymta aıqasty neǵurlym tezirek ótkizgimiz keledi. Aıqasty jarnamalaýǵa qansha kóp ýaqytyńyz bolsa, jekpe-jek sonshalyqty sátti ótedi. Men Erık Gomespen kelissózder júrgizip jatyrmyn jáne barlyǵy bizdiń kelise alýymyzǵa baılanysty bolyp otyr. Eger kelise almasaq, Gennadıı úshin ózge jaqsy varıantty izdeýge týra keledi», - dedi Leffler UCNLive.com-ǵa bergen suhbatynda.

«Kanelomen»  revansh Gennadıı úshin basymdyqqa ıe, sebebi ol birinshi aıqasta jeńiske jettim dep sezinedi jáne onyń tıtýldary burynǵysha ózinde. «Kanelo» da ekinshi aıqasta jaqsy óner kórsetetinin dáleldegisi keledi dep oılaımyn. Denıel Djeıkobs jáne Saýl Alvares sııaqty qarsylastarmen ádettegi kesteni qoldana almaımyz. Barlyǵy bizge baılanysty emes. Biraq, atap ótkenimdeı, Gennadıı mamyrǵa deıin kúte turady, jaqynda bir aıqyndyq bolyp qalar. Eger bolmasa, basqa nusqalar izdeımiz», - dep atap ótti qazaqstandyqtyń promoýteri.

Sondaı-aq ol Alvarespen revansh mamyrda ótpeıtin bolsa, GGG-diń jekpe-jegin 2018 jyldyń birinshi toqsanynda uıymdastyrý úshin baryn salatynyn málimdedi.