Alvares jankúıerlerdi aldaıtyn joldy tapqan tárizdi

ASTANA. QazAqparat - Revansh boıynsha kelissózder sozylyp ketse, Saýl Alvares qýlyq jasap ketýi ábden múmkin. Sebebi ol dopıng-testterdi erikti túrde tapsyrý baǵdarlamasyna áli kirmegen. Bul týraly Yahoo! Sports-tyń jýrnalısi Kevın Iol jazdy, dep habarlaıdy QazAqparat tilshisi.

«Ashyǵyn aıtý kerek, rematch boıynsha kelissózder uzaryp ketse, Alvares qýlyq jasap, basymdyqqa ıe bolyp ketýi ábden múmkin. Sebebi ony turaqty test tapsyrýǵa mindettegen joq. Nevada shtatynyń komıssııasy ony alty aıǵa shettetti. Sheshim shyǵaryldy, endi ony ózgerte almaıdy. Sosyn Alvares dopıng-testterdi erikti túrde tapsyrý baǵdarlamasyna da tirkelmegen. Demek, qazir-aq dopıngti qabyldaı alady», - dep jazdy K.Iol.

Onyń sózine qaraǵanda, boksta dopıng testileý júıesi tolyqqandy jumys istep jatqan joq. «Degenmen, Alvares erikti túrde test tapsyrýdy bastaýǵa mindetti. Ózine qatysty aqparattardy joqqa shyǵaramyn, taza ekenin dádeldeımin dese, eshqandaı problema bolmaıtyn shyǵar. Buǵan deıin jankúıerlerdi aldamasa, test tapsyrýdy bastaıdy. Al erikti testileýge qatyspasa, onda Alvares halyqty aldaıtyn tásildi tapqan tárizdi»,-deıdi avtor.

Aıta keteıik, jaqynda GGG-diń promoýteri Tom Leffler Golovkın-Alvares revanshy boıynsha kelissózderdiń bastalatynyn rastady.Onyń aıtýynsha, Alvares dopıng baǵdarlamasyna kirgennen keıin ǵana revansh týraly kelisimshartty rásimdeýge bolady. Alaıda «Kanelonyń» komandasy aldymen kelisimshartty rásimdep alaıyq deıdi. Sodan keıin Alvares dopıng testterdi tapsyrýdy bastaıdy.